بهيده على بختك يا كمر

[محمد السوداني]

بهيده على بختك يا كمر .. مساهر واريد اشكيلك

انه غريب ابدنيتي .. مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني , وعيون النهر

بهيده على بختك يا كمر

***

يا غربتي ...

غربة عصافير التودع اعشوشها... برفّة جنح

ويا دمعتي ...

دمعة الكاع التبكي موت اهروشها... بجيت الملح

يا دار اهلنا الطاهره ... مر العمر

عيون اليحب امساهره ...ومامش خبر

بهيده على بختك يا كمر
***

وك يا كمرنه مروتك ... حنّي الشواطي بدمعتي

كلهم كبرت اعله الصبر...والونّه صارت غنوتي

مشتاق ابوسن دجله... واشرب مايها

واعزف ترانيم المحبّه بنايها

دجله الهوى ، والسوق ، والحب ، والسهر

بهيده على بختك يا كمر



للشاعر : خالد العامري

مع تحياتي

[هاشم نجم]

عاشت ايدك اخوي محمد السوداني
على هذا الاختيار الرائع
قصيده جميله جدا
تقبل مروري ودمت بخير

[محمد السوداني]

ويدك ...اخويه الغالي هاشم نجم منور حبي

مشكور على المرور الراقي ...تحياتي الك يلغالي

[ام فيصل]

يا غربتي ...

غربة عصافير التودع اعشوشها... برفّة جنح

ويا دمعتي ...

دمعة الكاع التبكي موت اهروشها... بجيت الملح

يا دار اهلنا الطاهره ... مر العمر

عيون اليحب امساهره ...ومامش خبر

بهيده على بختك يا كمر

صح لسانك عزيزي محمد -- ولسان الشاعر خالد العامري

قصبدة هزت الشوق والوجد -- ولعنت ساعة الغربه

احسنت لهذا الإختيار - والهمنا الله الصبر وكل المغتربين


تحياتي لك عزيزي

[عاشق عيونك]

بهيده على بختك يا كمر .. مساهر واريد اشكيلك

انه غريب ابدنيتي .. مضيّع وادور ابليلك

الله الله حبيب قلبي حمودي
شكراع الكلام الجميل


تحياتي

[سلام الدراجي]

تحياتي الك ابو جاسم الورد والشاعر العامري قصيده جدا جميله مع صور رائعه تقبل حبي واحترامي

[حيدر القريشي]

قصيده في غايه الروعه
شكرا الك حياتي ابو جاسم الغالي
وتقبل تحياتي

[محمد السوداني]

شكرا لمرورك الرائع
وتذوقك الراقي دوما للشعر
لكي ودي وتقديري ........
اختي الغالية ام فيصل منوره
تحياتي الج