اجمل البوذيات
ياخذني الدرب عنك وأرد بيه
ودربي من الدمع خضر ورد بيه
مكتوب الوفى عندك وارد بيه
أحبك وأضل لأخر نفس بيه
أشفنا من عمرنا شفتهمنا
وهمنا جبل شامخ شفت همنا
ذبحنا ومن ذبحنا شو فتهمنا
يگلهم بل ذبح تعبوا إديه
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه
بطلت اون ابصوت گمت اون بهداي
خايف امن الصدگان ما خايف اعداي
للخوه ماقضيت شي ماقضيته
حتى الصخر ياناس وتوسديته
چاشلي بالخوان والماينفعـــــون
عود أمن اموت أيجون ويا اليشيعون
حگي امنندب ابحضي وفالي
لان ماواحد ابربعي وفالي
زماني ضيع اشباچي وفالي
اوخله الزوري يتمظيگ عليه
الوكت ياصاح چم صاحب غزالي
لفاني اوصابني اوخلبص غزالي
اعاين بلاارض مامش غزالي
بس الذيب عينه اتصد اليه
بنيتي أخدمهم آنه وأمشي على نيتي
مايوم غدرت بيهم بسري وعلانيتي
لحم أخوهم آنه وكلوني على نيتي
ما چنت أظن الأخـو يغدر خويه
اف من زماني اه منه
على اللي عشرتي وياه منه
اگله الدرب هذا يگول منه
اگله فوت بيه يرد عليه
ناگة شكثر للناس درن ثداياي
تاليها للگصاب ودتني دنياي
ماهمني الگصاب ال علك جلاي
همني الصديج الگال عيرلي من هاي
رد مع اقتباس
