كلبت بأوراقي بس اسمك لكيت
وماكو غير اسمك أسم بأوراقي
وكلها كالت راقي عنك من اجيت
وكلها كالت ماكو غيرك راقي
هاك الروح اخذها وأنه ممنون
وماانطيك عيني وما أعوفك
مو بخل عليك شنهو العيون
بس لو خذت عيني شلون اشوفك
تريد وياي تتراهن على الشوك
تعال نتراهن انه وياك يلا
اتحداك اذا بكدي مشتاك
لان مشتاقلك بكد رحمة الله
فتت من باب بيتك والكلب ذاب
مدري شطاح مني ومن حنيني
رجعت لبيتنه ولن دكة الباب
فتحت الباب ولن طايحة عيني
جنت من روحي ضايج كبل ملكاك
وجنت اكول لروحي ولج روحي
بس هسه صرت من روحي ماأضوج
أضوج شلون وانته صرت روحي
(منقووول)للشاعر
عبد الحسين الحلفي