ومضات روعة

[سناريا]

كلبت بأوراقي بس اسمك لكيت
وماكو غير اسمك أسم بأوراقي
وكلها كالت راقي عنك من اجيت
وكلها كالت ماكو غيرك راقي

هاك الروح اخذها وأنه ممنون
وماانطيك عيني وما أعوفك
مو بخل عليك شنهو العيون
بس لو خذت عيني شلون اشوفك

تريد وياي تتراهن على الشوك
تعال نتراهن انه وياك يلا
اتحداك اذا بكدي مشتاك
لان مشتاقلك بكد رحمة الله

فتت من باب بيتك والكلب ذاب
مدري شطاح مني ومن حنيني
رجعت لبيتنه ولن دكة الباب
فتحت الباب ولن طايحة عيني

جنت من روحي ضايج كبل ملكاك
وجنت اكول لروحي ولج روحي
بس هسه صرت من روحي ماأضوج
أضوج شلون وانته صرت روحي


(منقووول)للشاعر
عبد الحسين الحلفي

[خالد الفهداوي]

تسلم ايدج سناريا يا مبدعه
ومضات في قمة التالق
احسنتي الاختيار
تقبلي مروري
الفهداوي

[سناريا]

شكرا جزيلا لمرورك
اخي خالد

[الامير العراقي]

هاك الروح اخذها وأنه ممنون
وماانطيك عيني وما أعوفك
مو بخل عليك شنهو العيون
بس لو خذت عيني شلون اشوفك

مشكوره سناريا على الكلمات الرائعه
عاشت الايادي

[سناريا]

مرورك يشرفني
اخي الامير
تقبل ارق تحياتي

[حيدر القريشي]

ومضات غايه في الروعه والجمال
للشاعر عبد الحسين الحلفي
عاشت الايادي اخت سناريا على الانتقاء المتميز
بأنتظار جديدكم دائما وابدا
مع ارق التحايا لكِ
واطيب الامنيات

[امير الاحزان:]

انتقاء جميل اختي الغالية
نتمنى لك دوم التواصل معنا
ولكن حبذا في المرات القادمة
لو تكرمتي وكتبتي(منقوول )للامانه الادبية
مع خالص مودتي
اخوك الامير

[الأسدالغامض]

مشكوورة أختي العزيزة على الومضات الرائعة
تحياتي لكي