زهيري ### 1

[بلسم الروح]

يمة رماني الهوى وحيلي بدا محلل
ونار البدمي اسعرت ماشافها محلل
ناديت ولفي تعال بشوك ومحه الليل
سايم عليك النبي والواحد الاحـــــــد
وزيل هماً بدا من الاثنين للاحــــــــد
واني ييمة متت لاتتهمون احــــــــــد
كتالي ذاك الترف مهاوب ومحلـــــل



@@@@@@@@@@@@@@@@@@@@@@@@@@@@@@



أتمنه ملـكاك وانته تذب سـلامك شــمر

وتنشدني ما جيت شوصلّك شجيلك شــمر

شصعب أمن الذل بعد ومن التجافي شــمر

كمت أحسد المات وأكضي اللي بكن علّيـت

من كـثر هـمي تـراني يل الربع علّيـت

آنه الحـملت الصـبر ولشـانـكم عليـت

لو ما دمه حسين يا هو الجان يعرف شـمر



@@@@@@@@@@@@@@@@@@@@@@@@@@@@



أرد أصبـغ أمـن الحزن ثوبي بصبغ داره

والـنــذل ما وادده ولا أوصــل لـداره

آنـه الـذي لحـبهم طـول الـدهـر داره

أصبحت بعـيونهم مثل السـراب ابعيــد

لا خـط اجاني ولا منـهم بطـاقه ابعيــد

للطيـبه ذاتـه تراهو المحب موش ابعيــد

والـردي أصـله ردي موش الـزمن داره



@@@@@@@@@@@@@@@@@@@@@@@@@@@@@@


يا صاح طال الصبر ليه ما تمر وتبن
روحي بغرامك حالمة أتشيد قصور وتبن
ياحيف أجن بالظهر جلمات غدرك تبن
سايرتك أنة بصبر صبري شكثر عادلك
ليش الوفة عادة الي وليش الهجر عادلك
صدك وحك النبي كلبي بذهب عادلك
بس شيفيد كلي الذهب للدوسر أصلة وتبن


@@@@@@@@@@@@@@@@@@@@@@@@@@@@

يانار أني أحترك بس بالحطب طاولي
وأتكلة ما عذبج بس دبري طاوة الي
ألعبت وية الزمن حتى أعتقد طاولي
قفل علية ومشة ومنيدي أخذ زارنة
وملصين أخذ مو ملص ولا من محب زارنة
وصرنة دكمة بصدر ياهو اليجي زارنة
ومية سجل للحزن وكتي أنة طاولي .

@@@@@@@@@@@@@@@@@@@@@@@@@@@@@@


سألوا تعرف الفرح لا جاوبت معرفه

وسألوا تعرف الحزن أي جاوبت معرفه

من حيث شاعر صرت وادري الشعر معرفه

ومختص فقط بالحزن غير الحزن مكتبه

واسبابه عندي جرح ما سد ابد مكتبه

وشكبان منه الألم يمكن واظن مكتبه

وديوان دمعي انطبع دار النشر معرفه



@@@@@@@@@@@@@@@@@@@@@@


أنت أول خصم و صار العسل ندك«®°·.¸.•°°·.¸¸.•°°·.¸.•°®»
مجنونة النفس طير رشدها اللوم
وياك تريد وبنفس الوكت ضدك
خافت تنكَطع وأنت النفس للروح
نفس من تنكَطع مو خيط وتشدك
يا الخدك جرف وسنين عمري الروج
تجي لشوفك تهمني وتنتهي بخدك
منك شارد ومن كَد أمان البيك
تعز الروح وأشرد وأختل بسدك
يا نهر الوفة وبيك الحقيقة السيل
الي يذبلك سعف ما يكَدر يسدك
جف ذلة اليموتك لو وصل خدك


@@@@@@@@@@@@@@@


بجفاك حنضل شري لكَمة العيش...وتمر
وعظاي كلهه اتحجي ليمتهه تنسه...وتمر
كل التكَوله نفذ تدلل انته...وتمر
عصفور والكَه المجل وعليك احومن ...وجل
طشر همومه الكَلب صارن صراير...وجل
من تطبج وياي ماهمن بعيشه...وجل
هالذهه من ننجمع فشجة خبيزه...وتمر

@@@@@@@@@@@@@@@



منقوللللللللل

[محمد السوداني]

الله الله زهيريات رائعة كلك ذوق وابداع اخت بلسم
سلمت اناملك ودام لنا تمميزك

تقبلي تحياتي وودي

[حيدر القريشي]

سلمت الانامل اخت بلسم
مجهود رائع ومميز
وذوق رفيع
شكرا لكي اختي الفاضله
وتقبلي تحياتي

[بلسم الروح]

تكفيني كلماتكم الرائعه لافخر بما نقلت ..

ويكفيني تواصلكم الدائم..تواصلكم الجميل..

.لكم مني اجمل وارق تحيه ...شكرا مره اخرى على كلماتكم وتشجيعكم تحياتي ...

[دراكولا]

يسلموا على هل الشعر الجميل ربي يوفقك ولاتحرمينا من مشاركاتك لان اني اتنطر هاي المشاركات بفارغ الصبر
مشكورة ياأختي

دراكولا

[y_n_d69]

ابوذيات رائعة اخوك
ابو سمرة

[بلسم الروح]

ابوذيات رائعة اخوك


ابو سمرة

اهلا بالاخ الكريم ابو سمرة

حياك الله

تحياتي

[سلام الدراجي]

بلسم دائما تتحفينا باازهيريات رائعه وانتقاء جيد بوركتي اختاه