داريني طفل

[هاشم نجم]

الصفنه ممر فكرت روحي فوك
حتى براحتي كيف اريد اصير وياك
وامشي لاخر السكته وادردم ليش
كلشي يضيع مني الكاه بس اشوفك
جا غير على كبر الكاع الناس اشكال
ليش اشفافهم ما تندل الحرفين
وانت بعزتك تحتويني اشفاف
الصفنه ممر اتغافل وي الباب
اصير اثنين حتى اطخني من تفوت
وبحجة الزحمه تروح روحي وياك
دليني ادور اعليه صار اهواي
وخلها اباب شفتي الكطرة تلبس ثوب
احب عز العطش ما اريد ذل الماي
وتيهني الدروب اتموت من تنقاس
ساعدني المسافه تريد طولة بال
داريني طفل بعيوني دمع اسنين
وتجينب صبح لو ليل طولك مال
داريني خلك من تبتسم لا اموت
وبروحي السويده عليك عشر اشكال




تحيات

هاشم نجم

[محمد السوداني]

كلمات رائعه يامبدع
سلمت يداك اخي العزيز
تقبل تحياتي وودي

[حيدر القريشي]

كلمات في غايه الروعه والابداع
شكرا لك اخي العزيز
وتقبل تحياتي

[عاشق كاتالونيا]

شكرا اخي على القصيده تقبل تحياتي