موال زنجيلي
صفلي المصايب سره ولو صح فرح ينّبه
ساحك ضميره تظن شي عالخلك ينّبه
ولوعده جدمي بدرب كل النوايب صفن
يحير شيحوك الوكت لو راد هضمي صفن
وسنيني ماي بحلك غربيل كلهه صفن
مناحط وحملي ثكل وعودي فلا خلّبي
دهري وعمامه فزع وسودة وجه خلّبي
وزخّن تفكهم فشك وانه بطرك خلّبي
جالسيل فوكي انهمر واجهته وانه ورك
جلمود كلبي لجن للوفي حميمه ورك
وشاخ الضفيدع وله خدّام لمره ورك
وعزاز ذلهه وجذب ظيمه رحمهه وب
ولشيوخ ماصح سمل جانت هدمهه وبر
محظوظ جرحك لون خيطن يلمّه وبر
جروح بدليلي جذب ينفعهه شل لو لكط
مكسور سوكي وركض دهري لكطني لكط
غم رايي شحمه العمر بيدي اكطفته لكط
يوهدني وكتي وينب وين العكل ينّبه
<!-- / message -->
رد مع اقتباس
