وددت ان اشارككم اليوم باحدى روائع الشاعر الشاب المبدع محمد الغريب الذي احسست برحيله الغربه املي ان تنال اعجابكم .... يقول الغريب
وين جنتي ؟
وليش متاخره علي كل هل سنين
وين جنتي ؟
وليش ما طيفج اجه وفزز صفنتي !
وين جنتي ؟
وكبل تسع سنين مريتي اعله عيني وماوكفتي !
وليش من دك الجرس ماصارن عيونج فرصتي!
ليش يااول درس يفترض كنتي
وليش من كف العمر هسا ظهرتي
وين جنتي ؟
ياملك شيطان وتلبس بجثتي !
وياالم لف روحه سجين بحسرتي وين جنتي ؟
وليش ماجيتي كبل لا توصل الفضه الكذلتي!
وليش منعبرت محطاته ركبتي !
وليش فتحتي لمن ذبلت وردتي !
ووالله لو عندي بخت جا لمج من سنين بختي!
جان هسه دموعي ماكو وخابصه العالم ضحكتي!
وجان هسه همومي ميته وعافيه بوجنة فرحتي!
ووين جنتي وليش متاخره وصلتي ....
رحم الله ابو سمر واسالكم لروحه الترفه الفاتحه والدعاء
اخوكم ماجد الشاعر