على ترابك يا عراق تدوس الهمررر؟؟؟؟

على اترابك تدوس الهمر يعراق
وانته الي ابترابك علي الكرار
يا أطهر أرض موجوده بالكون
كل شبر ابترابك والله ينزار
لا غلطان اكله الكال ترتاح
ما ترتاح ابد يعراق الاحرار
لأن ليك الشرف والغيره عنوان
صفيت ابلا فرح واحزانك اكبار
عراق انته صرت ضلع ام الحسين
من ردت الباب اوطگه بسمار
وصرت منحر حسين ابيوم الطفوف
من خنجر شمر كطعله الاوتار
وصرت يم الفرات اچفوف عباس
من طرهن السيف الباشط الحار
ومثل عيسى اصبحت يعراق مصلوب
ونفس امصاب زينب بيك هم صار
بالميدان شعبك وحده مجروح
صفه مثل الحسين ابلايه أنصار
حرت يعراق ابدي ابقصتك امنين
كلهه احزان والله ودمع من نار
من جسر الأئمه اوموت عثمان
الفزع لمن سمع اصوات زوار
لو جسر الحديد الطاح عل ماي
واجزائه اعله دجله اصبحت طشار
لو من دمع أمنه الماوگف يوم
الفگدت كل ولدهه اكبار وزغار
لو چويت رحيم الشاعر المات
لو ذيچ العروس الماتت اطوار
لو من الحلفو ما يبيعوك
اوباعو حته شعبك لجل دولار
مو وكت المطر بس مطرت اسماك
الحزنك يا وطن تبچيلك امطار
ولا وقت الشجر ويذب الاوراق
لكن من مصابك تبچي الاشجار
منو مثلك حمل يا موطني احزان
دار انته لچن ما تملك الدار

:66 (59): :66 (59): :66 (59): :66 (59): :66 (59): :66 (59):

:66 (52):
مشكور رامي

سلمت يمناك اخوية

مشكووووووووووووووووووووووووووووررررررررررر اخي رامي

عاشت ايدك

تحياتي

تقبل مروري

يعطيك العافيه أخوي كثير حلوه

أختك روح المجروح

السلام عليكم ورحمة الله وبركاته
وهناك محطة للعطاء
عطاء لاحدود له
من بحر العواطف
فهل مررت بها
لتغدق علينا بقصائدك الجديدة
لن اوفيك حقك لن اغطي قدرك
ولن اصل الى فنك
وننتظر جديدك

تحياتى الك ياوردة شعور واضح

مشكور اخي رامي على هذا الابداع
تقبل تحياتي
اخوك سيرانو

شكررررررررررررا على هذا الكلام الجميل
ونشاء الله ترجع الافراح للعراق والعراقين
أمين
تقبل مروري

مشكور يا حبيبي الغالي بس ممكن تلوم صدام الاجرام والبعث وتقبل مروري

اشكرك اخي العزيز على هذة الكلمات الرائعة واتمنى لك التوفيق0