بقلمي-متى تدري بعذاب الشوگ

-متى تدري بعذاب الشوگ-
متى تدري بعذاب الشوگ
يالشوگك سجين بصومعت ذاتك
متى دربك تعرفه اجدام
يالبدربك رمال مغطيه سچاتك
متى عينك تصد بالعين
يالتكتل كتل من تصد نظراتك
يالوجهك اغر چنه الگمر بالماي
ولتم السمچ ويبوس وجناتك
يالحچيك برائه بشفة الاطفال
چا شنهي البرائه بغير چلماتك
يالشعرك شمس حته بسواد الليل
وتغار الشمس من تشع خصلاتك
يالمحلي الغزل شنهو الغزل لولاك
صفصاف الغزل من غير ثمراتك
يالوصفك كلام مشفر ومسوح
يالمحد يفك بالوصف شفراتك
ما اللوم الشمس لو لبدت ويالغيم
مستحيه الشمس من نور وجناتك
ولا اللوم النده لو عانگ الصفصاف
مجبور النده بغياب ورداتك
يالصوتك رقيق برقة الانغام
ومجموعه البلابل چنها باصواتك
ياهرش الورد لمته الربيع يعود
اخافن ما تجي ولا نشم ورداتك
يالكلك حلو من الجدم للراس
وشهود بجمالك حته شماتك
ياكاس الموده والگلب عطشان
اخافنها تشح بشفافي گطراتك
مرخوص العطش بشفافي خله يجور
لابد ما تصب فد يوم مزناتك
ومرخوصه الليالي وخلها بيه تجور
لان لون الليالي بلون خصلاتك
متى ترجع تراه الشوگ
فرعن بالگلب يالوهم جياتك
يااه بكثر ما گالت العشاگ
يريتك بالگلب وتشوف اهاتك
انه بحبك گضيت وگبلاني الشوگ
تعال ابچي چذب ما اريد دمعاتك
تعال وسكت الحساد والشمات
باچر هل الشماته تصير شماتك
لافجرك طلع لافاد ليلي شموع
ولا مرن حلم بالعتمه نجماتك
ياگطرت سراب بشفة العطشان
ادريها وهم واشربها گطراتك
لو مت بغرامك ما الوم الموت
ولا اللوم الگلب لتعنه سچاتك
ولا اللوم الجدم لو ضيع بممشاك
لان دربك طويل وعره طرقاتك
موصوچ الشمع لو ذاب صوچ الخيط
رغم ما محترگ ومضوي ليلاتك
يلوموني بهواك وگلبي من ابعيد
سلم قلعته من شاف راياتك
سچاچين الذبح تبرالك وي العين
وياهو الي يشوفك ينچلب شاتك
متى تدري بعذاب الشوگ
يالشوگك سجين بصومعت ذاتك



كلمات
ناصر اسماعيل الموزاني

حلووووووووووووووووووووووووووو
كلمات رائعه جداااااااااااااااااااااا
نحن بالانتظار لكل جديد

الله الله عالابداع الله الله عالاحساس

اقتباس:

---

المشاركة الأصلية كتبت بواسطة سامي المشكور

حلووووووووووووووووووووووووووو
كلمات رائعه جداااااااااااااااااااااا
نحن بالانتظار لكل جديد

---

شكرا لمرورك الجميل لك كل الود
اخوك ناصر

اقتباس:

---

المشاركة الأصلية كتبت بواسطة ميثم السعدي

الله الله عالابداع الله الله عالاحساس

---

شكرا لمرورك الجميل لك كل الود
ناصر

سوف تمنع المبدعين من الابداع بعد ابداعك

جميل ما خطت اناملك تقبل تحياتي وتقديري

الرائع الفنان والشاعر الموزاني
قصيدة بطعم الشهد ولون الورد
روعة
تحياتي

اقتباس:

---

المشاركة الأصلية كتبت بواسطة همزة وصل

سوف تمنع المبدعين من الابداع بعد ابداعك

---

شكرا اخي على كلمات اطراء الجميله ما ان الا شاعر بسيط
وصغير جد1 لك كل باقات الورد
ناصر

اقتباس:

---

المشاركة الأصلية كتبت بواسطة القلب الاسير

جميل ما خطت اناملك تقبل تحياتي وتقديري

---

شكرا اخي العزيز على مرورك الجميل
اخوك ناصر

اقتباس:

---

المشاركة الأصلية كتبت بواسطة يحيى الحميداوي

الرائع الفنان والشاعر الموزاني

قصيدة بطعم الشهد ولون الورد
روعة

تحياتي

---

حبيبي الحميداوي ابن العم
شكرا لكلماتك الراعه لك كل التحيات والقبلات والاماني الجميله
اخوك ناصر الموزاني

مررت من هنا

فلم استطع الذهاب حتى

اترك مايدل على انني مررت بهذه

الابداع والروعه فتركت بصمتي

لتكون تذكاراً هنا

تحياتي

الشيخ ابوحيدر الشويلي

اقتباس:

---

المشاركة الأصلية كتبت بواسطة الشيخ ابوحيدر

مررت من هنا

فلم استطع الذهاب حتى


اترك مايدل على انني مررت بهذه


الابداع والروعه فتركت بصمتي


لتكون تذكاراً هنا


تحياتي

الشيخ ابوحيدر الشويلي

---

سكرا شيخنا العزيز ابو حيد لمرورك متصفحي لك كل اكاليل الورد
والاماني الجميله
ناصر