دارميات صااكه كرار المعذب
اسكي الحجر بالماي والخلك تنظر
كالو يمر اهواك لمن يخظر
@@@
ورقه اصبحت هالروح وبوسط جنطه
فوك القهر والضيم بيد المزعطه
@@@
صايم اظل بجفاك منتضرك تعود
وفطوري من الكاك بوسه من الخدود
@@@
اتمنى بالنبظات وبكلبك التم
واتصل بالشريان ونقلك الدم
@@@
انته النبض بالروح وللجرح بلسم
وانته التظل شريان وتوزع الدم
@@@
شوف شكثر بجفاك تتحمل الروح
تنزف دمه واحزان وماكلت مجروح
@@@
ليش الهجر يهواي حارمني جيتك
وانته الكلب والروح يالغالي بيتك
@@@
كالو يردله اهوا لليغمض العين
انه اغمضتهه سنين بس المحب وين
@@@
لو بالكبر مدفون وتمر عليه
اعظامي كلهه ادكوم تاخذ تحيه
@@@
لاتطلع اترجاك لاتمشي بالسوك
وردة واخاف عليك منهم يشموك
بقلم
الشاااااااعر
كرار المعذب
رد: دارميات صااكه كرار المعذب
الله.الله............ياكرار
حس مرهف وجذاب..ربي يخلصك من العذاب
تقبل مروري.....
توفيـــــــــــــق
رد: دارميات صااكه كرار المعذب
دارميات رائعه اخ كرار اللهم لا يعذبك حبيبي دمت بخير
رد: دارميات صااكه كرار المعذب
:66 (46):كرار دارميات في غاية الروعه تسلم ايدك يامبدع تقبل مروري اخوي الغالي:66 (46):
رد: دارميات صااكه كرار المعذب
بصراحة كلها رائعة
احترت اي منها اختار
انته النبض بالروح وللجرح بلسم
وانته التظل شريان وتوزع الدم
شكرا لكم
وننتظر الجديد
رد: دارميات صااكه كرار المعذب
شوف شكثر بجفاك تتحمل الروح
تنزف دمه واحزان وماكلت مجروح
رائع يا كرار بأنفاسك الطيبه
دمت ودام لنا هذا العطاء
مع ارق التحايا
واطيب الامنيات
رد: دارميات صااكه كرار المعذب
دارميات غاليه في الروعه وبارك الله فيك
رد: دارميات صااكه كرار المعذب
رائع جدا فعلا دارميات صاكه
