الدليل القاطع عند ابو كاطع ج15

بسم الله الرحمن الرحيم
اعزتي الفراتيين الاحباب وفقكم الله
لقد عدت لكم منجديد وعودتي بناء على كتابتكم الجميلة والتي تثبت مدى تعلقكم بمنتداكم
بس عندي عتب بسيط
وخصوصا لبعض مشرفيكم
ماشاء الله وبدون حسد
انتم خير وبركة وعددكم مو شويه
بس شنو سركم ما تتفاعلون قسم من عدكم موكلكم متتفاعلون وي الاعضاء الجدد
تدرون انه منتداكم له سمعة طيبة وثقل في الساحه العراقية
بس كاخ اقول لكم لاتهملون الناس الجدد يعني الاعضاء لان عينه على ردودكم
واني لست قاصد نفسي بل لكم اقول ولمنتداكم واشكر الادارة على متابعتها لي ورسائلها وقسم من المشرفين ارسلو لي رسائل
\\\\\\\\\\\\\\\\\\\\
دوختكم مو بس اتحملوني
\\\\\\\\\\\\\\\\\\\\\\\\\\\\\
اخوانا المصرين عدهم مثل كلش حلو وامثالهم كلها حلوه
ما قدر على الحمار اتشطر على البردعه

وهذا المثل يظرب على اشخاص يتركون المسبب وابو المشكلة وصاحب الطلبه ويلزمون صديق ابن خالة الخياط الخيط بدلة عروس المتهم

كلكم تتذكرون قبل مدة كتبت لكم عن ابو فيل موظف الكمارك
اليوم اطلعت على الصحف
ووجدت ان الاخوان طبقوا المثل المصري
ما قدر على الحمار اتشطر على البردعه
ولازم الجماعه شايفين فلم اريد حلا لسيدة الشاشة فاتن حمامة
وهذا
فلم مصري ـ إنتاج مصري عام 1975 ـ للمخرج سعيد مرزوق.
واتذكروا المثل
اجوا طبقوه
مع اعتذاري لصيغة المثل
والامثال تظرب ولاتقاس
والمتهم برئ حتى تثبت ادانته
والدليل القاطع عند ابو كاطع
والعهدة على الرابط
http://www.azzaman.com/index.asp?fname=2009\03\03-03\993.htm&storytitle=

واذا ما ينفتح الربط
اليكم الخبر
مرصد الحريات العراقي: الشرطة ترهن عوائل مطلوبين

بغداد ــ الزمان : طالب مرصد الحقوق والحريات الدستورية، احدي منظمات المجتمع المدني الحكومة العراقية بيان السند القانوني الذي اعتقلت الشرطة بموجبه والد النائب محمد الدايني واشقائه وأبناء عمومته لاجبارهم علي تقديم معلومات حول مكان اختفاء الدايني الذي لازال مطارداً بعد نزع الحصانة عنه من البرلمان الاسبوع الماضي. في حين قال المرصد في بيان انه تلقي العديد من الشكاوي عن الانتهاكات من ذوي الضحايات حيث يجري انتهاك آدمية المتهمين واذلالهم او تقديمهم او انتزاع الاعترافات منهم بالاكراه واساليب الابتزاز خلافا للدستور حسب بيان المرصد. وقال المرصد انه تلقي عبر بريده الالكتروني قصصاً واقعية حول هذه الانتهاكات واكد ان والد الدايني واشقائه واقاربه لايزالون معتقلين. وعبر المرصد عن "بالغ قلقه لما تنطوي عليه هذه الشكوي، في حال ثبوت صحة ما ورد فيها، من خرق بيّن لنصوص دستورية صريحة، وإشارة خطيرة علي ما يتعرض له المواطن العراقي العادي من انتهاكات، ما دامت تطول عائلة شخصية اعتبارية". وتابع "في حالة عائلة النائب الدايني، فإن حجز أو اعتقال أي فرد فيها لا يجوز قانونياً إلا بأمر قضائي، وعلي خلفية مسوغات موجبة، لذا يتوجه المرصد الي الحكومة كي تبيّن للرأي العام السند القانوني الذي سوّغت به اعتقال ذوي المتهم وإبقاءهم في السجن".

مع تحياتي
شكرا يا ابو كاطع لاستجابتك لنداء المشرفين والادارة
وعودتك الينا منجديد

هناك مصطلح اسمه القانون
ومصطلح اسمه روح القانون
والفرق بينهما كبير ولكن من يعرف روح القانون طبيعيا سوف يكون القانون قد طبق
تقبل مروري
ومنور المنتدى من جديد

اهلا وسهلا بيك ابو كاطع نورت المنتدى برجوعك يالغالي
وان شاء الله تنورنا بمواضيعك الرائعة والمميزة كما عودتنة عليها من قبل

تحياتي يالغالي

هذا اجحاف بحق المواطن العادي
يعني ماصدكنه الشعب خلص من الديكتاتور وقمعه
ردينه على نفس السالفة
انشالله مايكون الخبر صحيح وعائلة المتهم مالهه ذنب بلي صار
قال تعالى بسم الله الرحمن الرحيم

( ولاتزر وازرة وزر اخرى ) صدق الله العلي العظيم

مشكور عيوني
والله لايحرمنه مواضيعك -- وميــّة هله برجوعك لمنتداك

تحياتي ابو كاطع

اهلا وسهلا بيك ابوكاطع من جديد

بس اني سمعت ان اهله والمقربين منه همه الي خبروا عليه وكالوا هو الي سمح للاشخاص الي فجروا البرلمان

بس الحكومه القت القبض عليه لان هو سافر بالطياره وقبل متنزل الى المكان الي رايحله امروا بارجاعه

بس لمن رجعوه اكون ناس ساهموا بافلاته مره ثانيه واختفه وراه

بس هسه ابوه واخوانه شلهم علاقه

والله عجيبه

مشكور ابوكاطع للموضوع وللخبر

وننتظر ابداعاتك القادمه

تحياتي

هذه مصيبه كبرى بحق المواطن

واين القانون كلي وين صار بالمريخ

قبل سنه الامربكان اطلقوا النار علينا في مركبه تسير على الطريق السريع مال الحله

وقد اصيبت بنت خالي وراحت شهيده بنفس اللحظه

وعندما راجعنا الدوله والقانون ولو رايحين للامريكان يمكن احسن من عدهم

القاضي شيكول الفهيمه يكول مادام الطرف الثاني الامريكان لذالك تغلق القضيه


شلون قاضي بروح ابوك مو مال واحد يكطع الصونده على راسه وراس الخلفوه ولا واحد يفتهم

مثل هذاك الشرطي الي واكف بالسيطره قاضي انطاهه هويته هوية القاضي بيه ميزان العداله

هذا شرطي الفين وهسه ما يعرف شنو السالفه كال شنو السالفه حتا البكال سووله هويه

ومن هذا النوع ياابو كاطع شنو تريد تحجي بعد وعلى كولت هذاك المثل خليه سكته يالفته


مع تحياتي الك ومنور من جديد حبيبي الغالي

مثل مكال استاذي الغالي
اكو شي اسمه القانون وشي اسمه روح القانون
واصور الدايني لهسة هوة متهم ومثبت شي بحقة
وحتى لو كان قاتل ومفجر وووو

اهلة خطية وشعليهم اصلا
؟؟؟؟؟؟؟؟؟؟؟؟؟؟؟ على العموم ننتظر القانون يطبق وكلمن ياخذ حقة

مواضيعك روووعة اخي
لاتحرمنا من جديدك
تحياتي لك

اخواني الاعزاء في حواراتنا الهادئه والبناءه لانريد ان نطبق القانون ولكن نريد ان نطبق العدالة اخواني اصحاب المعرفة القانونيه على درايه اكثر مني بالامور القانونية وكيف هناك مخارج قانونيه يتهرب المجرم منها او من خلالها والملعون محمد الدايني هو مجرم بكل الاشكال الاجرامية وجماعته قادو حملات ابادة لقرى شيعية ومسؤل حمايته هو جاري وكان يعمل سابقاً (ضمن فدائي هدام) الملعون
انا ضد اعتقال وتعذيب او سحب اعترافات بالقوة لاءن الادلة كثيرة وقويه على الملعون الطائفي (محمد الدايني)وهناك الكثير من اقارب مسؤل حمايته قد ابلغوا عنه للاجهزه الامنية وادى الى اعتقاله
اني اعرف باان الوقت قد تغير ويجب قلب الصفحة ولكن يجب كشف كل المجرمين ومحاسبتهم واقصد الجميع بدون استشناء
واعتذر عن الاطاله والخروج عن مضمون الموضوع
اخي ابو كاطع لك كل الحب والتقدير لطرح هذه المواضيع الجيدة
واتمنى من الله لك التوفيق ولكل اعضاء المنتدى الرائع