للغزل فقــــــــــــــط

:66 (46)::66 (46)::66 (46)::66 (46)::66 (46):
عطشني بحلاتك ارد اموت عليك ،،
واسكَـيني ابمرارك احتي واسكر .
يل تارس شليلك بالورد اشكال ،،
وبخدك ورد كل شوفه يتغـير .
أدوخ أمفـصلات اشفايفـك تـفـصال ،،
من تغـضب شكل وبشكل من تغـتر .
يل المعـتـق عيونك بالخمر بهداي ،،
بس ادير عينك عل الخلكَـ تسكر .
اشوفنك امكَـبع ما افرزن هاي ،،
عباية المتك لو شعـرك اطشر .
مدري اشلون تمشي ،، واتمشي مدري اشلون ،،
كَـوه امركدات الخصر والموكر .
ماتكفيك اديه من حضن الجتفين ،،
بس خصرك الزمه باصبعـين اكَـدر .
لو اعرف زفيرك جاب عطره منين ،،
تسمح لليحب بالزفر يتعـطر .
انا بكل قواي وبس تحرك اشفاك ،،
احس اتموع روحي ابسدك واخدر .
طشها الواهلية من الضحـك عل الرووس ،،
لاجلك لونطش اكَـلوب مانخسر.
دخيلك لا تغـرد لا تبجي الناي ،،
يل صوتك أوذان وللحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر

الله روعة لو هذا الغزل لو اقرأ على الجمال السلام

بوركت وعاشت يداك اخي العزيز عاشق الراقي


لك ودي وتقديري

دخيلك لا تغـرد لا تبجي الناي ،،
يل صوتك أوذان وللحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر

الله على هالغزل الرائع

بس مااتصور هالصفات مجتمعة ابشـر

هذي اكيد صــورة مرسومــه ...!!!!!!!!!!!!

مبدع ---- ياعاشق

ومن عنوان القصيدة فهمت (( للغزل فقط )) يعني صورة مو حقيقة

راقي كلش عاشت ايدك يا مميز

حبيبي حمودي منور يلغالي شكرا ع المرور



تحياني

ام فيصل منورة الموضوع شكرا ع المرور




تحياتي

تسلم على ما اخترت من تعبير جميل

تقبل مروري :2:

مشكوريـــــــــــــــــــــــــــــــن يا حسام ومصطفى ع المرور نورتوا الصفحة يا طيبين

تحياتي