الطـــــــائـــــــر الجــــــــريـــــــــح

آنه طير وما صفك جنحي بسماي
ولا بكاع الله كدرت انكل رجل
وكتي حاربني اعله ريش السبكات
وحطلي رجليه الزمان بتك حجل
عيب تزحف كالي وفنك تطير
وصعبه كلي جناح وأسحل بيه سحل
شال زادي وعلكه بعش الصكور
وكلي لو موتت صكر لو عيشه ذل
وآنه كلما حاولت أتشلبه أطيح
وأسمع لدوية وكعتي تصيح حل
خلصت عمري مجازر أمنيات
شما كلت هاي أتحقق تنكتل
حتى جنح الليل مايقبل يطير
والشمس غسلت وجهه بجف كحل
وعيني ظلت شابحه وتربي لسماي
لاسرب يرجع ولا يلتم شمل
والهواجس صارت فراشي وغطاي
بهيج موقف ياهواجس تنحمل
سهله عندي الموت لو آن الآوان
أنتظار الموت هو المو سهل
من أجه الصياد كتله هنا تعال
وشالني وبعيونه جن فرحة طفل
تلمس عظامي بدينه القاسيات
وذبني كال شبيك باقي وينوكل

بقلمي
محمد عبود العبودي

اخ محمد كلمات رائعه
تقبل مروري

دام لنا هذا العطاء دمتم بخير
تقبلو مروري البسيط مع تحياتي و امنياتي

اقتباس:

---

المشاركة الأصلية كتبت بواسطة سامي المشكور

اخ محمد كلمات رائعه

---

اقتباس:

---

المشاركة الأصلية كتبت بواسطة سامي المشكور

تقبل مروري

---

سامي المشكور
جل احترامي لك
وتقديري اللامتناهي لك
ولروعة مرورك

اقتباس:

---

المشاركة الأصلية كتبت بواسطة الشايب العراقي

دام لنا هذا العطاء دمتم بخير
تقبلو مروري البسيط مع تحياتي و امنياتي

---

ودام لي هذا المرور العطر
اخي الغالي
تحياتي لك وودي

سهله عندي الموت لو ان الاوان
انتظار الموت هو المو سهل
محمد عبود العبودي دام لنا ابداعك
قصيده غايه في الجمال