بقلمي--نذكركم---قصيده غنائيه
-نذكركم-
نذكركم اذا----- احنه انسينه
سكنتوا بالقصر-وحنه البنينه
تعبنه من المسافت
ناس اعله الثريات
وناس بلا درج صعدو علينه
===
چنه بليلكم------ مثل القناديل
نكرتونه الصبح من خلص الليل
احنه هم رفضنه
وثرنه ونتفضنه
سجلتو الگعد-- وحنه انمحينه
=====
فرشتوا عيونه-- اتلحفتوا الاهداب
من طلعت شمس- سديتوا الابواب
صحيح الناس اشكال
بيهم راضي بالحال
وبيهم دنيتك---- ما تمله عينه
====
ابنگاع الوطن--- احنه الزرعنه
خذو محصولنه-- وخلونه جعنه
بارضنه الخير اشكال
لكن صعبه الحال
باگونه الظهر من بين ادينه
كلمات
ناصر اسماعيل الموزاني
رد: بقلمي--نذكركم---قصيده غنائيه
تسلم يمناك يا أخي... ناصر... والله موضوعك في غاية الروعة والجمال دمت بـ هذا الأبداع والتقدم اتمنى لك النجاح والتوفيق الدائم لاتحرمنا من جديدك المميز دمت بحفض الله تقبل من اجمل التحايى
رد: بقلمي--نذكركم---قصيده غنائيه
اقتباس:
المشاركة الأصلية كتبت بواسطة حب ساره
تسلم يمناك يا أخي... ناصر... والله موضوعك في غاية الروعة والجمال دمت بـ هذا الأبداع والتقدم اتمنى لك النجاح والتوفيق الدائم لاتحرمنا من جديدك المميز دمت بحفض الله تقبل من اجمل التحايى
شكرا لمرورك الجميل لك كل الحب
ناصر
