اكتشفتك بعد ما فات الاوان!!!
((اكتشفتك))
روح عني..
ياحسافه العمرضيعته بهواك!
ابتعد مني..
جنت أعمى وامشي متعلم وراك!
انته لوحة أمزيفة
انخدع كَلبي بمزادك واشتراك!
انته صياد ومراوغ
شاطر بنصب الشباك!
مثلت دور البراءة
وقشمرت كَلبي واجاك..
من بعيد الوجه يضحك!
ولو كَرب...يطلع كَفاك!
يلي زرعك من كَزاز
وتجرح اجفوف الحواك!
يلي طبعك كله نار!
وصارت أنفاسك هلاك!
مرقد الحب هدميتة
واصلبت روحي بسماك!
تيهتني بكَاع غربة!
وكَلبي ما يندل سواك!
كَطعتني بسيف جارح!
وتطلب اترجه شفاك!
نبتت بعيوني سهمك!
وجاي تنشدني اشعماك؟
حيرت دفاني بيهّ
بكل جرح ينزف لكَاك!
جنت ابيعن روحي لجلك
واشتري بعمري رضاك!
مادريت أقناع لابس
والغدر جنحة طواك!
اشكَد رسمتك في خيالي..
جنة..
وقصور..
وملاك؟
لحضه وإعصارك نسفني!
ضيعاني..
وضيعاك!
واكتشفتك...
:
اكتشفتك!
بعد ما فات الأوان!
واعرفت طبعك خيالي
ومالك بكَلبي مكان!
وعندي ماظل
كل خيار!
روح عني..
خلي دمعات الندم..
تنزل
شرار!
ابتعد مني..
يلي سيفك من ثلج!
أنيّ
أبقة نار!!
**********
مع تحياتي
جلال البطاط
رد: اكتشفتك بعد ما فات الاوان!!!
والله ياأخي الغالي يعني اذا اقول جميله اكون كذابه والله هي اكثر من روعة والله تجرح القلب تسلم اديك على الذوق الرفيع
تقبل مني تحياتي وخالص واحترامي بكل تواضع
رد: اكتشفتك بعد ما فات الاوان!!!
اقتباس:
المشاركة الأصلية كتبت بواسطة حب ساره
والله ياأخي الغالي يعني اذا اقول جميله اكون كذابه والله هي اكثر من روعة والله تجرح القلب تسلم اديك على الذوق الرفيع
تقبل مني تحياتي وخالص واحترامي بكل تواضع
الاجمل والاروع هوة مروركِ غاليتي الجميلة...تحياتي لكِ ولجميل ردكِ يامبدعة.
رد: اكتشفتك بعد ما فات الاوان!!!
الشاعر المتألق جلال البطاط .....
سأصفق بحرارة لهذه الرائعة والوصف الجميل وترويض الفكرة وأقتناص الومضة والحدث
صديقي العزيز مبدع دوما .............................................تحيات ي
رد: اكتشفتك بعد ما فات الاوان!!!
اقتباس:
المشاركة الأصلية كتبت بواسطة يحيى الحميداوي
الشاعر المتألق جلال البطاط .....
سأصفق بحرارة لهذه الرائعة والوصف الجميل وترويض الفكرة وأقتناص الومضة والحدث
صديقي العزيز مبدع دوما .............................................تحيات ي
تسلملي حبيبي يحيى مرورك هو الاجمل..تحياتي الك صديقي الغالي.
رد: اكتشفتك بعد ما فات الاوان!!!
قصيده جميله عاشت يداك
وتسلم حروفك الرائعه لك
كل اكاليل الياسمين والاماني
الجميله
اخوك ناصر
رد: اكتشفتك بعد ما فات الاوان!!!
الله يااخي ياشاعر يامبدع ياعظيم والعظمة لله ابكيتني بهل كلمات غاية الروعة والجمال والذوق والصفاء اشكرك جزيل الشكر والشكر لله بس صدك اعجبتني اتمنى ان تبقى مبدع واطلب منك كل ماهو جديد على الندم ان ترسله لنا تقبل خالص تحياتي اختك :66 (46):
رد: اكتشفتك بعد ما فات الاوان!!!
اقتباس:
المشاركة الأصلية كتبت بواسطة ناصر اسماعيل الموزاني
قصيده جميله عاشت يداك
وتسلم حروفك الرائعه لك
كل اكاليل الياسمين والاماني
الجميله
اخوك ناصر
نورتنا حبيبي ناصر .......تحياتي الك يامبدع.
