عرض للطباعة
أوصـفـــنـّـك عـنب لو تـيــن يا ريـّان
لو تــفاح ناضج نشــتهي نحـــوشك
حلاوه انت ونقاوه وسكـّرك موزون
كــمـل كل الغـزل بشفاك ورمــوشك
0000
حــلو طـولك وشامخ دوّخ الأفكار
مثل نخل العراق وناضجه عثوگه
ما مــوجود منـّه بكــل بلاد الكون
وهنياله اليحوش الرطب ويضوگه
0000000000000
بقلمي
الله الله على روعة هذه الكلمات
والله انت رائع يامحمود شكرا
لك اخي على ما طرحت وابدعت
تقبل مروري وتحياتي اخي الرائع
شكرا لمرورك اخي العزيز
نورت بمرورك واطلالتك
لك أحلى تحياتي
والله اذا النخله عاليه شيوصلنه خويه محمود
ههههههههههههههههه
الله يوفقك جميل جميل جداً
لكن متوقع منك كل ما هو مبهر
لك كل الشكر والتقدير
اليريد الزين ويشوف الدرب مسدود
ولو گدامه شـــط ويخاف من مايه
ولازم بالنهايه ايـوچــد المعـــبار
العنده دروب سهله يوصل االغايه
000
تحياتي لك اخي عادل المنصوري
وشكرا لمرورك
كَلي شلون باللي متيه المعبار
لا يركد بليله ولا طلعله انهار
ودرب ولفه عرج مزروع بالصبار
ولا عنده جناح ويلحكَـ اعلل طار
الله يسلم هلذوق اخي ومضاتك بداعه
اقتباس:
المشاركة الأصلية كتبت بواسطة عادل المنصوري
ولأن صعبه الدروب وما الهن چـــاره
وايخــلص الــّليل عالـــديوان تســياره
السكـــوت احسن على اللي تاه معباره
ايهـّوِد يستچن ياريت وبگلبه يضم ناره
000
تحياتي لك أخي العزيز عادل
لمرورك ومداخلتك وردودك ألف تحيه