نـــــدَّه ... للشاعر حميد حسين كعيد*

*نـــــدَّه ... للشاعر حميد حسين كعيد*
**
آنه إعله دربك ورد وعيوني إلك بابين
باب إعله خيط الشمس..
وباب لضوه النجمين
حلمان بيك أشكثر وأتنطرَّك للحين ..
حلمان أشوفك ولو..
گطرة نده تلالي إعله ورگة تين
مبخوت أضوگك عالبعُد.. وأفطمَّلك الشفتين
بس خايف يبوگك صبح من ضحكة ال بلعين
وأبقه أدوِّر بالنظر عالباقي منك وين؟
إحسِّبني صُبيَّرة ولك..
جِّس عودي گبل الطين
مو حايل بروحي العطش ..
حايل صُفالي إسنين
مُرّني غيمة سفر.. وأحَسِّبها إلك جيَّة حنين
لا يا ولك، هلبّت تحِّن وتلين..
مو راحن واجَّن ورگات البساتين
وآنه ألولي إعله الجرح وأنطرلَّك الوكتين
أتمنَّه يوم وترِّد.. وإنشِّد سوَّه إجناحين
أتمنه أضمَّك يا حلو بين الضلوع وبين
بالگاع ما لك مدى ..
طوف بحنايه الصدر، وألعَب على الكترين
يالصاير إجناح الگلب .. وبيدك يظل دم الشرايين
تآخذ وتطي ويَّه النبُض ومورِّد الخدين
ويالصاير أنته .. أنه
وننشاف چنَّه إثنين
ونبضي إعله نبضك يدِّگ ماينجسِّم نصيَّن
ماينجسِّم نصيَّن..
...
من ديوان مرايات

...

الله ذواقه دائما
تحياتي لك

مبدعه وذواقه انتقاء
جميل يالغاليه احسنتي
الله لايحرمنا هل ذوق الرفيع
كوني بخير

النقل يدل على ذوق الناقل
وها نحن في كل مرة نجد الروعة تأتي على اكف الرائعه عيون المهى
فشكرا لك على الذوق الرفيع
وصح لسان الشاعر حميد حسين كعيد
تقبلي مروري
وتحيتي لك

اخواني الطيبين وشعراء الفرات
يسعدني ويشرفني تواجدكم ومتابعتكم لقلمي
ومروركم الاروع هنا
طالب الناصري
الشيخ ابو حيدر
مشرفنا المميز كناري الفرات
لكم اجمل وارق التحايا

شكرا لك ولروعة هذا الإنتقاء
كلمات جميلة وبوح داعب الروح
تمنياتي لك بالتوفيق
وشكرا لجميل حرفك
تحياتي

اختيار رائع والاروع هو ذوقكي
عاشت ايدج يا حلومه
ودمتي في هذا العطاء
ودام لنا ابداعك
تحياتي لي

حياك الله اخوي الطيب السومري الاصيل لجميل مرورك وتواصلك

تسلمين غاليتي عراقية لجميل مرورك الرائع
دمتم بالف خير
تحياتي لكم