:66 (46):دمع عيني بغيابك بره سايل وعليك الكلب يطلع بره سايل تره ماينفع حجينه بالرسايل اريد الغزل وانته ابين اديه ___________________________ ذبل هرش الكلب لجلك وخاوه وطمع ماردت من عندك وخاوه الفخر موللذي عاشر وخاوه الفخر للأصيل اليذكر خويه

بحب الوطن اذكر وصّى بونه لچن صابوا وطنّه وصابونه بدموع اغسلنه دينه وصابونه من كلمن زرع هالطائفيّة =============== شهر دهري سچاچينه وحدهه چي مالي ظهر روحي وحدهه شتات الوادم ودهري وحّدهه ضدي تريد كلهه النهش بيّة ===============

مهظوم طول الوكت وبكل وكت لوعة لي ومتماشي وية الحجي ان جان الي لو علي وما ايهمني ذاك النزل باسفل درك لو علي بس همني ذاك الصعد وبقسمتة ما ارتضى وايكلي اميرك فنة واعظامة رض مرتظى كتلة وعلي بشدتي لو ما فزع مرتضى يفزعلي لو حيدرة لو ابا الحسن لو علي ...

أظل اكتب شعر للطيبين وانشد واسأل على الصاحب دوم وانشد واصير حزام وكت الضيج وانشد لكل عزيز وغالي عليا نقلته

الهموم هواي صارت من علينه وربك بال طه من علينه جعلهم حصن انه ومنعه لينه او ولاية علي هي الاوليه:66 (46)::66 (46):

زوج اطيور حبنه وصفن بس تك وصرنه للشمات علج بستك ما ادري شجاني وكمت بستك اعذني على الجرالي مو بديه منقوووووول

لتظن نار كلبي عليك تبرد وبعد كل الحجيته وياك تبي رد اشوكت ماجيتك بالسجين تبرد دهاك اذبحني هو اشظال بيه نقلته لكم

افكر بيك طبعا وانته لاله ولا هماك دمعي وانتلاله شمع فانوس انته وانته لاله وشمس بسماي ونجوم وثريه تحياتي للجميع:66 (46)::66 (46):

يدنيه وياي مو دنيه بلى انتي وسؤالچ يا هو اخذ عقلك بلى انتي شمعنى وياي كل ساعه بلنتي أصد شلون وانتي مشبگه اديه *** عباس الفرطوسي

............................................. راح وكســر خاطري ولملم طيوفه وشال ونهــر المحبـه نشف ظلت جروفه وشال الزمــن ماعافنـي رد عالـكفوف وشـل ماعفت حبــك انا كلبـي على حبـك ظل عالهجر شو تعتنـي عالوصــل دومك ظل بجتافي اغطي الشمس بالصيف اصيرن ظل لو مر عليك الشتا لفني على صدرك شال ...

الشوك وياك صدفه قابلاني شيجي منك قابل اني تقشمرني بضحكتك قابل اني غشيم وتعبر الضحكه عليه شكثر بجفاك ون قلبي وهم لك وعقلي غفل وهم لك شظن انساك واهملك وانت بدمي دم يدور بيه

غاب الكمر من شافك ولا هل ولغيرك ما نزل دمعي ولا هل مالي دار بعدك ولا هل عزيز ويصعب فراكك عليا منقول

الدهر بجفاك كطعني فقط لاك .. واصابيعي قلم بعدك فقط لاك .. دمعي يسيل .. حلم ثكيل .. اظل اهواك ..

اشلون وتخون وانته حلفت بأيات وطلعت مزلاكة مو درج بايات اذا تريد تروح مو بس باي بايات واليرجع الف نعله على ابيه

بظلم قانون روحي منسنلها سبوهة وصار اكثر من سنه الها افرحت مابان ضحكت منسنلها لان كل الالم والهم علية:66 (46)::66 (46)::66 (46):

كلب يعوضك يـــوم لا اثنين لا عشره حبيبي صاحبي هلي وكـل العشيره رحت هسه ونسيت الملح والعشره ونسيت كل لحظه انت جنت مابين اديه ------------------------------ رقيق وروحي وي الولف ورعه حطيته بوســــط دلالي ورعه لعد بابه رحت بهمومي ورعه بسرب شوكي يريت يحن عليه

الحقيقة أثر بي بيت الأبوذية الذي كتبته الأخت احلام وأحببت ان أجاريه أو أرد عليه . فقلت : أقلم بيدي أغصانك ونخلك وإذا تسمح أشيلنك ونخلك ( وأنا أخ لك ) أصيرلك جمل واقعد ونخلك ( ونخ لك ) وانهض بالحمل بثنين أديا

أخواني هذه الابوذيات هدية لكل اصدقائنا في المنتدى ولا كوم حرت لا حيل بية اكعد ولا كوم ولا خوان فزعولي ولا كوم ولاني بصلح وي وكتي ولا كوم أراضيه ويرد يزعل علية وانتهزني انا بكاروك حبك وانت هزني صرت فرصة بحياتك وانتهزني

أدعوكم أعزائي لقراءة ثاني قصيدة لي في منتدى الشعر الشعبي بعنوان ما نسيتك ...... بقلم : خليل الشرابي أتمنى ان تنال أعجابكم

طبعاً عندي مقترح وهو ان كل انسان يعشق انسانة اوالعكس ان يكتب ابوذية باسم من يحب وانا سوف اكون من المشاركين في حال تم التفاعل مع الموضوع وهندي طلب الى كل مبدع وهو ان يكتب لي ابوذية باسم من اعشق,,,,,رشا,,,,وانا انتظر على نار تحياتي لكم

الك كل يوم انه اتعنى وصل بيك عنادك وين يبنادم وصل بيك حبيبي وشايل بجيبي وصل بيك وبيك باجر ينطوني هويه

حبل مواصلك ياترف عدمن أدور على الوفي ياناس عدمن عيوني من البواجي عليك عدمن الوفي واحد وضاع بتسعميه كلبي أحترك من هجرك ولع شاب وانه المتولع ولع شاب دوه الدكتور ماينفع والاعشاب أطيب بطبت اجدامك عليه

انمله صندوك كلبي هضم ـــــــــــ ماخاف وزماني اشمايعتني ابزعل ــــــــــ ماخاف اسل سيف الحراب اوياه ـــــــــــــ ماخاف وخلي اتشوف كل اهل الوطيه ــــــــــــــــ الخالدي

ياخويه البشر عالكاع ماعان اجلاي من المصاب الصار ماعان صديج الي تعبت عليه ماعان ولايوم ابسنه ينشد عليه