اشلونكم بنات اكيد مو شباب لان متعرفون اطبخون
حبيت اعلمكم هايه الاكله المو طبيعيه اتعلمتهه من عمتي
بسم الله الرحمن الرحيم
هايه اول شي





اجيبون الدجاج وسلكونه ولازم اتكون الدجاجة كامله لتقطعيهه
اتكلين الشعرية حته اصير لونهه اشكر وتخلين فوكهه الكشمش
والبزاليه بعدين اتخلين فوكهن رشه او ملعقة صغيرة هيل مطحون
و م ص بهارات برياني خلصت الحشوه
بعد سلق الدجاجه اجيبين جدر يسع الدجاجة مفتوحة
انتي لازم اتكونين امنكعة التمن
اترشين مقدار حفنة تمن في قاع الجدر وتضعين الدجاجة على ضهرهه
اتجيبين الحشوة الي سويتيهه اتخلينهه فوق الدجاجة ثم تضعين باقي التمن فوق الحشوة التمن تحددين كميتة انت
اوبعدين اجيبين المركة مال الدجاج وادبينهه فوكهه
وبعدين اتخلينهه على النار عالية ولمن اشوفين التمن بدة يستوي اتهدرينها على نار هادئه
[/center][/center]اهم شي بهدي الاكله هي طريقه تقديمها لازم اجيبين صينيةاشوية اكبر من الجدر المستخدم اتخلينهه فوق الجدر وتلزمين الصينية والجدر من الاسفل لزمة زينة
اللقطة الحاسمة

اتكلبين الجدر بلصينية ودكين على الجدر على الجوانب وعلى اسفل الجدر بعدين اشيلن الجدر راح تطلع اشلون الكيكة قالب واحد

تاكلوهه بالف صحة وسلامة

شكرا غاليتي
وعاشت الايادي

موضوع مميز

واكلة لذيذة

ارق التحايا

شكرا لكِ اختي العزيزة
على هذه الاكله العراقيه الاصيله
تقبلي مروري المتواضع
مع ارق التحايا
واطيب الامنيات

شكرا اختي العزيزة سهر الوردة
على الاكلة الرائعة و المميزة
عاشت الايادي ياوردة
وسموها مقلوبة لان بالاخير يقلبون الجدر فوق الصينية
عفية سهر مبين طباخة ماهرة
وتحياتي

عاشت ايدج على هذه الطريقة المميزة
وشكرا لك ولهذا الجهد المميز
مع تحياتي لك ياسهر