موادع والكلب مليان كله جروح
وجروحه جذب مـا يوم سلنـي
اسل بيهن صبر ومساكة وي الروح
واقريهن شعر عـن لا يهدنـي
بس سلني خبر فركاك سل مفضوح
واعضاي اسكتن وبساع شلنـي
وبشفافي انطفت جلمة أل لتروح
وعكس ما ردت أحجي هنه حجني
موادع و شبعد شيفيد مني النوح
وإذا كتلي الصبر جيب اليصبرني
عطرك بالحلك لساع بعدة يفوح
والـدرب علة بيتك عيب تيهني
اجذب عالرجل واخذهة درب السوح
يـردن بالعكس دربـك يـمشني
وعيـوني اصدهة لـبابكم مفتوح
بس ماكو حبيبي البيه ينطرني
أصبن دمع عيني والبجي مسموح
وأحس طيفك حبيبي كعد سامرني
ميت ولك ميت والسبب مفضوح
وبدمع الحبيبة الطيف غسلني
أصدن للبشر كلهة علية تنوح
بس مابيهة صوت الصوتة يطربني