عندما يعود الحبيب حاملا معه اريج الذكريات تهرب من لسان الشاعر الكلمات :


امس من جيت
جبت وياك عمري الجان غايب
وامس من جيت
احس كل الدروب مزوكه بقداح
واحسن بالنخل شايل كصايب !!
وامس من جيت
طلكت الحزن فد نوب
واكتبت اهلا عله وجوه المصايب
وامس من جيت
حسيت الزمان اندار
وعله عام وتعده شلون غايب
ياعمري وضحكتك نزلت اعله الروح
خل تحجي العيون ولا تعاتب !
حبيبي شلون صابر . مايهزك شوك
ديار كلوبنه خلافك خرايب
وياحبيبي ....
انه وعيون القصيده
انصد عليك
ولان بس خزرة عيونك قصيده
ولان اسمك شاتله بروحي شتال
كل لحظه التمر اسمك اعيده
و(حمد) انه شلون مااتخبل عليج
وانتي بعيون الامل ياروحي( غيده )
وما اظن يسوه (حمد) من دون( غيده )

تحيات ماجد 1/12/2008

وامس من جيت
طلكت الحزن فد نوب
واكتبت اهلا عله وجوه المصايب

الله الله الله عليك يforaten.net/?foraten.net/?foraten.net/?foraten.net/?

ومبروك عليك رجعة غيده

ذابت كل الكلمات من بين ايديه

وعجزت حروفي شنهو تكتب

الله لايحرمنه هذا النبع الصافي

وهذا الإحساس الذي تجدد بعودة الغيــــّاب


احسنت -- انت صانع الكلمات

المشاركة الأصلية كتبت بواسطة ماجد الشاعر

احس كل الدروب مزوكه بقداح
واحسن بالنخل شايل كصايب !!
وامس من جيت
طلكت الحزن فد نوب
واكتبت اهلا عله وجوه المصايب

صح السانك وعاشت ايدك اخويه العزيز ماجد
قصيدة رائعة يامبدع ويعجبني دائما قرائت كتاباتك
لاني ادمن الابداع .....لك تقديري واحترامي