مشكله الوطن مابي شعب مرتاح

ومشكله الشعب مايكدر يعوفه

احبك يا وطن لو بيك الف جلاد

وحبك لو جرح كتال ما اروفه

حبك نار بيه واشتعل بالنار

وانه ابنار حبك روحي ملهوفه

تطيب جروح غيرك ياعراق الخير

وانت جروح كلبك لسه مكشوفه

حرامات الوطن ينزف مهج وارواح

وبي قبه علي والوادم تشوفه

يامسلم زمانك والوكت غدار

دشوف اثار مسلم لسه بالكوفه

وعاين على الفرات شسوه بي عباس

شك روحه النهر وانتحرت جروفه

عدنا من الشجاعه امثال تلوه امثال

كلها ابشيمه العباس موصوفه

وعدنا اول مضيف معزب الخطار

دك ساسه الحسن من جود معروفه

وياحاتم زمانك والشعب جوعان

خاطر ماكسر فد يوم لضيوفه

يبو عيون الشهل خليني اسولف بيك

واحجيلك عليه شلون سالوفه

عشكتك بالزغر من طحت فوك الكاع

روحي من الطفوله وياك مشغوفه

حبيتك رغم كل الجروح البيك

وقبلت الجفوف الباست اجفوفه

روحي ابحضرتك طافت على الشباج

يا اجمل ضريح الوادم اطوفه

واحلفك يا وطن تمسح دموع الناس

خطيه دموع شعبك تضل مذروفه

منقول
للامانة الادبية

عدنا من الشجاعه امثال تلوه امثال

كلها ابشيمه العباس موصوفه


وعدنا اول مضيف معزب الخطار

دك ساسه الحسن من جود معروفه


وياحاتم زمانك والشعب جوعان

خاطر ماكسر فد يوم لضيوفه


عاشق ياعاشق العراق

احييك على هــذا النبض والحس الوطني الرائع

دام لنا هذا المداد الذي يفيض ريحانا

صح لسانك عزيزي

العراق بيك وبامثالك يظل رافع الراس

تحياتي لك

ام فيصل شكرا ع الكلام الرائع والله انتي كلج ابداع
الله لايحرمنا منك يلغالية



تحياتي

واللة مااادري شكول وشحجي قصيدة رائعة جدااا وانت اكثر من الروعة اخي العاشق تقبل مروري تحياتي اللك

شكرا يلغالي ع كلامك الطيب منور شكرا ع المرور



تحياتي

قصيدة رائعة تسلم وتعيش اخويه العزيز عاشق الذهب

تقبل تحياتي وشكري الجزيل

حبيب قلبي منور حمودي الورد شكرا ع المرور



تحياتي