أعله خد أيامنه شكد عفنه بوسات
وشيرجع وكتنه وذيج الايام
وفي صفصافنه البيه جانت ورود
تحول شمس كله وخضر الغام


نرجس عينك وتمطر دمع سيل
كحل رمشك رمح والحاجب سيوف
عيني انته الاشوفك بيهه كل حين
يعني أبغيبتك بعيوني ماشوف


بايك من جمالك يوسف أشكال
يعني أبلاجدل داخ بجمالك
وذا تمشي خيالك منك يغار
وبيك أتغزل وباسك خيالك


الواحد بالجمع وي واحد أثنين
أذن مانختلف شي هذا وارد
عكس هذا لون أنجمع وياك
الناتج يختلف ويساوي واحد


امير السلمان