ألو بـغداد
ألوبغداد تسمعنـي
لون تسمعنـي بلله انطينـي هاتف
رقمه صوت أُمـي
يخايب دطنـي خط وخلنـي أحاچيها
ولك مونشّفت ريـجي ونشف دمـي
ألو بغداد تسمعنـي
يـخايب عمري كـله اكَضيته بالغربه
دكَلّي اشبعد من عمري
عشراسنين أجـالع بالصبر كَوّه
اخلصّت روحي نفذ صبري
بكَايه سنيني مصلوبه
قسه اعليّه الدهرملّيت
جاشنهو بعد عذري
ألو بغداد تسمعني
دسـجّلي النداء..بغداد بالثوره
أحس بالغربه نار البُعد تـحركَني
الو بغداد..تسمعني

إختلف وضعي
ثكَل سـمعي
ما أسـمع ضعيف الـخط
أخافن ينكَطع عني
ألو بغداد تسمعني

يـخايب كَـلبي هزه الشوكَـ
وتـخربطن دكَاته طفر منـي
سرح وي صفنة الماضي
وحزيـن الصوت فزّزنـي
بحركة أم..صرخ بيّه
أنه أمك ..ها..ألو يبني
ألو يبنـي
دكَـلي اشّفت منّك وشّفت مـني
حمد ياما تنيتك عيني إعله الباب
ومن تندكَـ أصيحن ردوا الغياب
أنه الكل شي حسبت احساب
بس ماحسّبت فد يوم تنكرني
ألو .يبني

أنه اچم دوب أضل برجاك
نـحّلني الصبر والكُبر ماخذنـي
نسيت أُمك يبعد أُمك
حمد شوطالت الجيه
إلك عين أُمك اربيّه
يبني بكل مسايه غروب
أذبّن جرغدي ونزع العصّابه
وأدكَـ باب الرجه وسألها يوميه
مته الجيه
حمد شوطالت الجيه
ألو يبني
أخافن خـيّبت ضني
حمد يبني
صدكَـ بارض الغرب دكَيتلك ثايه
صدكَـ متشرّد ويوميه بولايه
أمس يبنـي.. بـحلات النوم
مرطيفك يفزّزنـي
يِعت ببتوت كَلبي ويسـحن بروحي
علكَم.. يبني مر الصبر جرّعني.
أشوف الناس كل الناس
يوم العيد فرحانه
وأنه حزنـي حزن عاشور
ميته ولاضحك سنّـي
حمد يبني
صباح العيد منهو اللي يصابـحني
حمد وخلاف عينك من يعايدني
أصد للبيت. أشوف البيت.. كل البيت
كل شي بشوفتك يبني يذكّرني
ولك يبني
بكَيت اسنين عمري انتظرك بلهفه
بسّك لاتعذبني
شلي غيرك
غفت بعيوني ونامت تصاويرك
شلي غيرك
انه أُمك يبني ودخيلك
فرحتي انته

ونه اشفافي ذبل بيها الفرح
كل يوم أكَول اليوم ها باچر يفرّحني
چايـمته ترد وتعود
مهي انياب الدهر يوليدي لاچـنّي
نسيت ارباك ولاچـنّي تعبت اعليك
انه أُمك يبني ماچـنّي
انه بفركَاك يوميه انذبح ذبـحه
ليل اجفاك شوطوّل علّي صبحه
أنام الليل يبني شلون انام الليل
تنام جروحي وجروحك يلچمنّي
الو يبنـي
حمد. شوطالت الغيبه
كل غايب ييمه يعود لابد تنتهي السفره
ونه بفركَاك عشراسنين
أجالع بالصبر وتسلّه بالعبره
عشراسنين محنيه الظهريبنـي
وأكَول الغايب انتظره
عشرسنين شمعة حزن
ذوّبني الصبرسلاّنـي ونسلّيت
جايـمته ولك كَلبك يطكَـ صبره
مهو كل كسر يتچبّر
بس كسرك حمد يكلف علَي چبره
حته الطيرإله اوكار
من يـهجر يـحن ويعاود الوكره
الو يبنـي
امودع بلله يوليدي
كَلبي بكل مسه ومصباح
يبنـي بـخير يدعيلك
دشد حيلك
لاتنسه أُمك الربت
إعله بالك كل وكت خلنـي
علَي لاتكَطع أخبارك
ولابد ما تـخابرنـي
ألـو يبنـي
أودعـك لو تودّعنـي
ألـو يبنـي
ألـو يبنـي
أودعـك لو تودّعنـي
عن ظهر قلبٍ
سائلكم قراءة سورة الفاتحه
الى من سكنت فسيح جناته
وحفظ ربي أمهاتكم

حمد يبني
صدكَـ بارض الغرب دكَيتلك ثايه
صدكَـ متشرّد ويوميه بولايه
أمس يبنـي.. بـحلات النوم
مرطيفك يفزّزنـي
يِعت ببتوت كَلبي ويسـحن بروحي
علكَم.. يبني مر الصبر جرّعني.
أشوف الناس كل الناس
يوم العيد فرحانه
وأنه حزنـي حزن عاشور
ميته ولاضحك سنّـي


تراتيل حزن ,, ومناجاة
ووحشة غربة
ورجاء مقطع الأوصال
بين الحلم ,, وتكذيب واقع

الووو يبني
نداء شج وشائج الروح
وتبعثرت حروفه بين آهة أم
وغربة مفروضة

تناغم جميل بلحن حزين
شكرا لك يااحمـد
على هذه اللوحة المرسومة بالوان اللهفة والحنين

سلمت ,, وسلم لنا مدادك
كن بخير دوما ً عزيزي

ام فيصل
أكاليلُ شكرٍ لمروركِ
وتحيةُ إكبارٍ لقلبكِ الطيب

كلمات قمة في الروعة والابداع
اسمح لحروفي ان تنحني اجلالا
لهذا القلم الماسي والحس الراقي
وخسارة لمن لا يمر بين اسطرك
ونبضك المميز وامواج عباراتك

الاستثنائية
تقبل بريق حروفي
بين لمعان حروفك الذهبيه
وسأنتظر منك بوحك الشجي بكل شوق

احلاهن بطة
أني أجيدُ الصمت عند مروركِ
أخشى على كلماتي أن لاترتعش
لقدومكِ أجبرتهُ رغماً نثر
ورداً على متصفحي أن يفترش

حدائق وردي
لكِ ولحرفكِ الندي
دمتِ بكل خير

ناصر اسماعيل الموزاني
شكراً لمرورك العطر اخي الغالي
ولكَ أحترامي