واحدة يموت زوجها بيوم زواجهم

وينك ياحبيبي البيك الكفاية

ماترجع تخيط زيج الولاية

من شفتك كمر كلت الليالي تهون

ماأدري الزمان شضام من غاية

غرفتي مبخرة والبدلة شبت نار

مو بالبدلة ناري بكلبي دواية


هم ترجع واشوفك واحجي الحجايات

ماطول عليك مبارك احجاية

جنت مراية الي البيك اشوف الروح

من بعدك حبيبي منين الي مراية

حلقتي بيميني ضلت تون عليك

ونة شعري عليك ون وماسكت ناية

وضل عود الكحل يتعارك وي العين

وسواد العين ساكت بس نزل ماية

فرشتي اتكلي يرجع وانة اكلهة اشلون

تكلي وياج بلكي انعلك الراية

جن يلمح خيالك من فتحت الباب

الشارع مزدحم والناس هم هواية

وبليلة عرسنة الموت مستنكيك

تستنكة المناية البيه الكفاية

اخ كناري تسلم
على مرورك الجميل

تسلمون اكيد انتم الي مبدعين
بتقييمكم موضوعي
اتشرف بوجودكم