من هَيبـة الشـوق الـرابـضِ فـوقَ عـريـن القلـب
اُهـديـكم كلمـاتي
مع تحيـةٍ ذات احتـرامٍ جـم

همسـ،ـاااات اااللّيـ،ـل

آه يـاليـــــل كـلي شـمَـطـولـك يـالـــيــل
سـاعـاتـك جـونّـي ومــرمُــرن جَــبـدي

خـل أشكيـلك همـومي وأجُـر حَسـرات
وخـل جــروح كـلبـي تنــزف وتــــدّي

أنه من أذكـر ليـالي المُضن أبجي هـواي
وأحـس دمعـي جَمــر وإيـحفـّـر بخــدّي

ليـالي ضيـم عشنـاهه وشبعنـه همــوم
حتـه الـوكـت ويّـاهـه انـكـلب ضِــدي

لاواحـد سـألنـي شبيـك ، وشمـاذيـك
بـس انتـه التسـليـني من أظـل وحــدي

أحـب السهَــر ويــّاك وأحـبـك حيـــــل
وأخـاف من الثـواني تضيـع من عنــدي

أظـل لـوحـدي أسـولـف وانته تسمع زين
وأبقـه آنـه بـمكـانـي وانتــه التعـــــدّي

سـوالفنـه طـويلــة وبيهـه دوخـة راس
ومن أغفـه السـوالـف يغـفـن بســــدي

وأحـس لن الفجـر يزحـف عَليـك زحــوف
ويـدفـع لونـك الكـُحلـي بـسحِــر وردي

ويطلـع صُبـح ويـروح السَهـر واللّيــل
وأظـلّ أنطـر نهـاري يمـشـي ويعـــدّي

وأتـانـي الـلّيـل يـمتـه الـلّيــل يـلفـيــني
وأفـرح فَـرحـة الـعِشـّــاك من يبــــدي

وأرد أسهـر وأعـد حَسبـات ويّه نجـوم
وأسـولـفـلك يليـل شعنـدي مـاعنـــدي
*****
بقلـم : رفيقـة القمـر
إهـداء الى قـاااتلـي

ملاحظة : هذهِ إحدى قصائدي التي سُرقت
قبل سنتين
أول إلقاء لها من قِبلي كان قبل 4 سنوات
عبر إذاعة كربلا
في برنامج ( أوراق الليل )