هذا اخر كلامي
راكبني الغلط من ساسي لراسي
***
ولأن البشر معدن يصفه بالتجريب
كل الصــوچ بيه ومعــرفت ناسي
***
نسيت انته العفتني بلحظة المحتاج
بأول تجـربه وگـــلت اعـتبر ناسي
***
بلامقياس اخذني شكلك المرصوف
حـطـّ اجنون بيه او گـطـّع انفاسي
***
احساسي انته شمعه تضوي درب الليل
ما شـفـت الضوه والصــوچ باحساسي
***
سبع قصور باحلامي بنيت وياك
هدمت البنيته او طشـّرت ساسي
***
وسوس گلبي منك بس گلت مجبور
أمشي وياه ويمكن غلط وسواسي
***
قاسي انته طلعت مو چنت اخاف اعليك
زيــدت العـــذاب بگـــلــبـــك الــقـاسـي
***
جاي آنه اعتذر يالچـنـت اشوفـك تاج
هــم زيــن الشـبـه ما لايــگ لــراســي
***
وهذا اخر كلامي وشعري المكتوب
تعب وياك قلمي وخِـجَـل كـرّاسي
***
ما تستاهل اكتبلك حرف يفلان
ولاسهر الليالي وثمن قرطاسي
***
لأن لاعين عندك تستحي ولا إيد
ولاگلب الوسيع اليحتوي آلامي
***
تگلي بكل صلافه عفتك وشتريد
ما تخجل تگــول الگـلته گـدّامي
***
وسفه آنه البنيتك ساف يحمل ساف
لاشـكراً شـفــتهه وراحـت احــلامي
***
گـوه انه اعتنيتك وانتهت وياك
واذا عاودن إلا اگطعهن اجدامي
***
بقلمـــــــــــــــــــــــــــــــــــــي 0
رد مع اقتباس
رد: هذا اخر كلامي
رد: هذا اخر كلامي
المشاركة الأصلية كتبت بواسطة جاسوسه
