بقلمي

الكهرباء
ماتكدر تجينه امحنيه رجليها
بلوة الكهرباء شلون تاليها
ماتكَدر تجينه وطبع دلوعه
بس ساعه تهل وخمسه مكَطوعه
واحنه الصيف أجانه شلون موضوعه؟
الروح بيا مكان أوين اوديها؟
ماتكَدر تجينه وشاغله الأفكار
واليطلب حسنها المهر بالدولار
تشرط قصر عالي امحوط بأسوار
المايكَدر عليه أبحرة يكَضيها
ماتكَدر تجينه وخايفه أعلينه
حكمتهه هوة التبريد ياذينه
جيلنها تحبنه دوم توصينه
سبلتكم قناعه فياي يغنيها
ماتكَدر تجينه والمكيف دوم
بي صارت كآبه وشال كومه أهموم
تضحكله المهفه اتكَله آجالك يوم
ارجع منشأك خل عزتك بيها
ماتكَدر تجينه والحكومة أبخير
من يوم الأجت ماشفنة كل تغيير
لحظه والعقل ياناس مني أيطير
ياهومن الوزارة لعلتي يشفيها؟
ماتكَدر تجينهه امحنيه حتى الراس
والمسؤل يحلف والله والعباس
مظروبه المحطه اشبيدي ياهالناس
صبرولي سنه وهالشغلة اكَضيها
ماتكَدر تجينه وانتو خو تدرون
عدنه اشلون صيف أيذوب الفافون
مولعبه طفل متونس أبالون
من يطك محول ضلمه يغديها
ماتكَدر تجينه والكَلب تعبان
احنه اول بلد بالنفط والحرمان
واحنه اسعد وطن محسود بالأوطان
من ناكل البيضه بجوله نكَليها
ماتكَدر تجينه ومجلس النواب
سواله اجتماع مقفل الأبواب
ماعندة حلول ولا لكَالة أجواب
أموال الشعب بالبوَك كَاضيها
ماتكَدر تجينة انكَطع حتى السير
والخضراء تزهي يغني بيها الطير
عساها ابخت بوش وبخت حتى بلير
جابولي حكومة الغيرة ناسيها!
ماتكَدر تجينه امحنيه رجليها
بلوة الكهرباء شلون تاليها
***********
هذا اقل ما ينكال بحق الكهرباء

صح لسانك عزيزتي
قصيدة رائعه تحكي قصتنا التي لاتنتهي مع الكهرباء
امنياتي لك بالتوفيق
خالص تحياتي

الاف التحايا والشكر

شكرا السومري هذا من ذوقك
lmrrakchihasan
شكرا لك نتمنالك التواصل الدائم معنا
المجم العراقي العفو هذا اقل شي ينكال بحق هالمعضله الكهرباء
تسلملي نورتو الموضوع بوجودكم بيه