فاض الصبر وسنينه ... ولكبرك تعنينه

زوار اجينه وللدار ... يالهادي عندك خطار

ولكبرك تعنينه

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ

اجينه وجبنه ااهات وهضم وشموع .. وحزن يبن الامامه وعبره ويه دموع

ونيني بليلي يبن المرتضى مسموع .. وجم فجعه القلب يا سيدي مفجوع

يبن الضناهه سبايه ... زوار الك عننايه

دخيلك يبن حامي الجار ... يالهادي عندك خطار

ولكبرك تعنينه

هضيمه بلا خدر زينب وحيده تنوح .. وعلى اطفال السبتهه الكوم روحي تروح

يهادي وكبتك يمهه القلب مجروح .. فداكم دمي واهلي وناضري والروح

قلبي التحير رايه ... والروح الك شجايه

وشوك البعد يلهب نار ... يالهادي عندك خطار

ولكبرك تعنينه

بمصابك يا امامي زادت العبره .. وعمت عيني على نور الكبه والحضره

يبن من بالطفوف جروحه ما تبره .. انكسر قلبي بمصابك قلبي شيجبره

يابا الحسن حنينه ... والقلب زاد ونينه

خدامك احنه وانصار ... يالهادي عندك خطار

ولكبرك تعنينه

وحك العالوطيه موجر خضابه .. وحك ربنا ورسوله وملكه وكتابه

نضل ننعى الغريب وننحب اببابه .. ونناشك من عطوره وريحة ترابه

نتعنه الك مشايه ... وباليمنه تعلى الرايه

واننادي يا بو الاحرار ... يالهادي عندك خطار

ولكبرك تعنينه

يمهدينه الصبر يبن الطهر طول .. ويريدون الموالي بغيبتك ينذل

الاهي بطلعة ابن المصطفى عجل.. كبر بينه الجرح يا سيدي وانسل

جرحي بوسط دلالي ... يالهادي عاين حالي

يبن الحسن ردنه الثار ... يالهادي عندك خطار

ولكبرك تعنينه

رحيم الحسناوي

السلام على غريب طوس
السلام على غريب الغرباء
السلام على بعيد المدى

عظم الله لك الأجر عزيزي باستشهاد إمامنا الرضا عليه السلام
وطيب الله انفاسك على هه الكلمات المعطرة بعطر الولاية
لاحرمنا هذا المداد
ولاتواصلك وابداعك

لك اطيب تحياتي

نعزي سيدي مولاي امامنا المهدي اللهم عجل فرجه الشريف والأمة الاسلامية
بذكرى استشهاد امامنا ومولانا علي الهادي سلام الله عليه
اخي رحيم الحسناوي
بوركت يمينك وطيب الله انفاسك
وجعلك من الموالين المخلصين لمحمد (ص) وآل بيته الطيبين الطاهرين
خالص مودتي واحترامي

نعزي سيدي مولاي امامنا المهدي اللهم عجل فرجه الشريف والأمة الاسلامية
بذكرى استشهاد امامنا ومولانا علي الهادي سلام الله عليه

بارك الله فيك وعطر الله انفاسك للقصيده المميزة
ربي يوفقك
تحياتي