مثل طيـر الگطـا مـن ينغـط لربعه
يظـل ينغـط عليـچ گليـبـي يگليبـي

مـن عينـي هميلـه لطولـچ الدمعـه
وبعيونـچ يعمـري انتبـش شـــيبي

تمنيـتـچ بليلـــه وما بهــا شـــمعه
بس ضـوء النـجـوم بـلا عذاريــبِ

ونگعـد آني وانتي بچاسـر الربعـه
عن عينـي يحلوه ارجوچ لتغـيبـي

احچيلچ قصص عن عنتره وربعه
عليچ شلون صرتي سبب تعذيبـي

ونفرط بالغـلا الگـردان ونجَمـْعـَـه
وتضميني بحراره تريدي تأديبــي

تگوليلـــي ييونس ما بهــا فزعــه
انا طبع العسل طبعي وهوا عذيبي

يجي مثل المزن الشوگ شيوزعه
هاچ اخذي الچثير وياچ او جيبـي

وننسـى الاربعاء اليـوم لو جمعــه
نحقــق ملتــقـانـا بــدون تكذيــــبِ

شـفتي يالحبيبه شـلون جت دفعـه
من يونس غزل حيــاچ ما تخيبـي

مثل طيـر الگطـا مـن ينغـط لربعه
يظـل ينغـط عليـچ گليـبـي يگليبـي

الكناري
يونس الجبوري
25/5/2010