نسيت انساك
31-10-2009, 02:55 AM
ياليل هم رجعت شتريد وك ياليل
من وحشتك شيبت و الحيل ما ظل حيل
مثل الرماد اشتعل و ابقى احترك كلي
من اذكر امي الصبح من تكعد تصلي
يردله : جواب
يا ما نصحتك انا , تذكّر شنساك
كتلك بلادك ذهب هو الذي سواك
و انت ابن هذا البلد لا تنكر الرباك
غشوك وصفوا الك دنيا و سعادة و خير
ما تدري شما هجر لازم يعود الطير
يردله : جواب
هسه انا وين اصبحت عنهم و وين اهلي
بس عين عندي بقت منها الدموع تسيل
اشتاكيت لاهلى انا و لكعدت اخواني
و كلمة هلا و مرحبا بشفاف جيراني
يردله : جواب
شوداك لاهل الغرب شتسوي رحت هناك
من ترجع من الشغل منهو اليتلكاك
امك تحضر الغدة و اختك تصبلك ماي
جاي انت من الشغل مية هلا بهالجاي
و كلشي محضر الك و كاوي لك هدومك
و ابنك يشبكك شبك و يشاركك نومك
يردله : جواب
شتاكيت لاهلي انا و لكعدة اخواني
و كلمة هلا و مرحبا بشفاف جيراني
ملعون هذا الزمن ليوين وداني
خلاني اخلص الوكت بالحسرة و الياويل
يردله : جواب
تشوفهم بالغرب كل واحد و ربعه
تكعد و مالك ربع و بعينك الدمعة
مو جنا نطلع سوة للجامع الجمعة
و الثوب ابيض حلو و من تمشي شمحلاك
اي لعد ما تكلي منو الوداك هناك
يردله : جواب
الليل بس يم هلي ثوب الفرح لابس
و محلاهه من تنسمع صفارة الحارس
زاد اهلي طيب يظل لو بس خبز يابس
و مكره زاد الغرب بالمنة و التذليل
يردله : جواب
ببغداد عدنا حلو لمن يصير غروب
عالجسر فوك الجسر تمشي انت و المحبوب
و دجلة تحضنك حضن و تحس العمر ما فات
و محلاهه لمت هلك و كاعد بالكريعات
يردله : جواب
شتاكيت انا لموطني و احسد اللي شافة
و لماي دجلة العذب من تشربه تتعافه
يا ريت منه العسل لو رادن شفافة
و انا الك مشتاك يا جاي ابو الهيل
يجاوبه و هنا يحسمها
و لو تجي و تفتر بعد و تدخل على المنصور
طيبة و حنان و عشك و طيور احلى طيور
و العيدعدنا حلو والله يا عيدي
يله نقارن سوة و ايدك تظل بيدي
ايفل و برجه و هله و لندن و كل تكساس
يروحون فدوة و نذر لشارع ابو نؤاس
م
ن
ق
و
ل
من وحشتك شيبت و الحيل ما ظل حيل
مثل الرماد اشتعل و ابقى احترك كلي
من اذكر امي الصبح من تكعد تصلي
يردله : جواب
يا ما نصحتك انا , تذكّر شنساك
كتلك بلادك ذهب هو الذي سواك
و انت ابن هذا البلد لا تنكر الرباك
غشوك وصفوا الك دنيا و سعادة و خير
ما تدري شما هجر لازم يعود الطير
يردله : جواب
هسه انا وين اصبحت عنهم و وين اهلي
بس عين عندي بقت منها الدموع تسيل
اشتاكيت لاهلى انا و لكعدت اخواني
و كلمة هلا و مرحبا بشفاف جيراني
يردله : جواب
شوداك لاهل الغرب شتسوي رحت هناك
من ترجع من الشغل منهو اليتلكاك
امك تحضر الغدة و اختك تصبلك ماي
جاي انت من الشغل مية هلا بهالجاي
و كلشي محضر الك و كاوي لك هدومك
و ابنك يشبكك شبك و يشاركك نومك
يردله : جواب
شتاكيت لاهلي انا و لكعدة اخواني
و كلمة هلا و مرحبا بشفاف جيراني
ملعون هذا الزمن ليوين وداني
خلاني اخلص الوكت بالحسرة و الياويل
يردله : جواب
تشوفهم بالغرب كل واحد و ربعه
تكعد و مالك ربع و بعينك الدمعة
مو جنا نطلع سوة للجامع الجمعة
و الثوب ابيض حلو و من تمشي شمحلاك
اي لعد ما تكلي منو الوداك هناك
يردله : جواب
الليل بس يم هلي ثوب الفرح لابس
و محلاهه من تنسمع صفارة الحارس
زاد اهلي طيب يظل لو بس خبز يابس
و مكره زاد الغرب بالمنة و التذليل
يردله : جواب
ببغداد عدنا حلو لمن يصير غروب
عالجسر فوك الجسر تمشي انت و المحبوب
و دجلة تحضنك حضن و تحس العمر ما فات
و محلاهه لمت هلك و كاعد بالكريعات
يردله : جواب
شتاكيت انا لموطني و احسد اللي شافة
و لماي دجلة العذب من تشربه تتعافه
يا ريت منه العسل لو رادن شفافة
و انا الك مشتاك يا جاي ابو الهيل
يجاوبه و هنا يحسمها
و لو تجي و تفتر بعد و تدخل على المنصور
طيبة و حنان و عشك و طيور احلى طيور
و العيدعدنا حلو والله يا عيدي
يله نقارن سوة و ايدك تظل بيدي
ايفل و برجه و هله و لندن و كل تكساس
يروحون فدوة و نذر لشارع ابو نؤاس
م
ن
ق
و
ل