ادورك وين ؟؟
وعلى عيوني احط ناطور
اخاف عيوني بيك تعيل
وامشي وياااااااك
خلكي لشخصك مفضيه
واميل وياك من تميل
جنت تانيك صحره اتأمليتك سيل
بعتك عمري ست مرات
واشو مشريت عمري
التعباه الليل !!
ادورك وين ؟؟
وانت مسابك ويه الريح
لا حطيت جدمك ع الدرب مره !
ولا مليت من حجي القلت والقيل
صرتلك (ابرهه) وارضيت انه بهااي
واتمنيت اشوفك حتى لو سجيل !
ولافاد (ابرهه) ولاصادف ورديت
وانكلب كلشي عليهم راحوا اهل الفيل
ادورك وين وانت
البلحلم تنشاف
وبعد شح الحلم وتبدل اسم الليل
شنو انت شكثر شايل دلال ويااااك
متكلي يعمي انت من ياجيل
مو وديت روحي لخاطرك شوباش
شو تبعت جدامي والطريق طويل
اشو ياهو الانشده يكول مو مناه
ورمل جواي جرفي وكام بيه يهيل
ادورك وين ... ؟؟
وارد بخاطري والكاك
واحبك حتى من تعيل
ومن تزعل احبك واعشكك شتكول
وتمنيت العمر يكضي وياااك هدوة ليل ..
بس ليل
بس ليل



ارتجالية اخوكم ماجد الشاعر

بابا ماجد
يسعدني ويشرفني اكون اول المارين بين سطورك الي اعتز جدا بقرائتها
ودموعي سبقت حروفي بين قرائتي لقصيدتك وكلماتك الرائعه
ربي لايحرمني منك ويحفظك ويستر عليك
ودوم نشوفك بين ربوع الفرات ياغالي

بنيتك احلام
تحياتي الك

قصيدة رائعة
واحساس ينزف ألم وحسرة
دائما الإبداع في لحظة الحزن يكون اقوى
لاتحرمنا جديد نزفك ياماجــد
ودع القلم سفيرا ليوصل بوحــك الينا
عــــابرة ----------- تركــت أثــراً هنــــا

شكرا لصدق احساسك

دوم الابداع اخي ماجد
شو انت ماكو وكالب علينه
ههههههههههههههه
تحياتي لك اخي العزيز
مع الود والتقدير

ادورك وين ؟؟
وعلى عيوني احط ناطور
اخاف عيوني بيك تعيل
وامشي وياااااااك
خلكي لشخصك مفضيه
واميل وياك من تميل
جنت تانيك صحره اتأمليتك سيل



قصيده مميزه اخي الكريم
مـــــــــــاجـــــــــــــــد

وفعلا ادورك وين

رووووعه وباارك الله فيك

شنو انت شكثر شايل دلال ويااااك
متكلي يعمي انت من ياجيل
مو وديت روحي لخاطرك شوباش
شو تبعت جدامي والطريق طويل
اشو ياهو الانشده يكول مو مناه
ورمل جواي جرفي وكام بيه يهيل
ادورك وين ... ؟؟
وارد بخاطري والكاك
واحبك حتى من تعيل
ومن تزعل احبك واعشكك شتكول
وتمنيت العمر يكضي وياااك هدوة ليل ..
بس ليل
بس ليل
***********
عمي يا بس ليل
والله ليل ونهار ..صبح وعصر وغروب
روعة..اشهد بالله انها روعة
حلوه اقولها لك اخوي الغالي ماجد
دوم التميز والابداع
لربي لايحرمنا من جديدك

غاليتي احلام
شكرا لمرورك الجميل وتواجدك الدائم
على متصفحي .


سيدتي ام فيصل
الشكر وحده لايكفي فلتواجدك هنا نكهة خاصه
وطعم مميز حماك الله


اخي سلام الدراجي
تحياتي الك اخي سلام اني مو كالب
بس الظروف مو عدله
هههههه
الغاليه سفانه
شكرا للاطلاله الجميله والتواجد المميز
نورتي الموضوع

امير الاحزان
شكرا لتواجدك واطراءك الجميل
لك تحياتي

قصيده رائعه جدا والروع فيها هو كتبها وقد كتبها باحساس راقي

دمت دوما مبدع وربي يحفظك

عراقيه غيوره سعيد بتواجدك هنا
ويارب نكون عند حسن ظنكم
تحياتي لك ودمتي

قصيده رائعه بحق
يملؤها العتاب والحزن والحب
ابداع متواصل اخي
شكرا لهذا الفن الراقي
دمت بود

شكرا ام علاوي الغاليه لتواجدك هنا
ونورتي الموضوع