السلام عليكم:
أصدقائي الأعزاء اليكم
قصيدة أخرى من قصائدي المتواضعة
وهي بعنوان :

(هذا الدليل)

تسألني لو چنت أحبك شنهو الدليل؟


أنت بس أسمعني و لا تقاطع
وآني أقدملك مو عشرة مية دليل


شتسمي ألي يعيش العمر لأجلك
وشما تميل رياحك يميل


وشتسمي ألي حبك سكن گلبه
وبغيرك أبد ما يرضى بديل


وشتسمي اليعتبرك أنت دنيتة
وأنت أله الصاحب والخليل


وأن چان بعدك ما مطمأن
وبعدك تسأل عالدليل



لا تسألني آني
أسأل طيور السما
أسأل النجمات والليل الطويل


أسأل أزهار الربيع
أسأل الأشجار وسعفات النخيل


وأنت تعرف شكثر أبعثلك سلام
بكل وسيلة وكل سبيل


وأن چان بعدك ما مطمأن
وبعدك تسأل عالدليل


شوف ألي صايرلي بدونك
شوف الجسد مني صاير نحيل


الدموع بهجرك ما تفارگني
دومهة عالوجنة تسيل


هذا حالي بدونك
كل جزء مني عليل


وأن چان بعدك ما مطمأن
وبعدك تسأل عالدليل


صدگ أني شوفتك عيد أعتبرهة
و وياك أنا أرضى بالقليل


كل كلمة منك هدية
وكلشي من عندك جميل


ولو زماني يمطر علية هموم
بس طاريك عني الهم يشيل


وأن چان بعدك ما مطمأن
وبعدك تسأل عالدليل


أسمعني شراح أگول وأنت أحكم :


أنت وحدك ساكن بگلبي
وحبك أبد ما له مثيل

ولو ردت أوزن حبي للأحبهم
كل الموازين تخف،وبس أنت ميزانك ثگيل


ولو نسيت الدنية كلهة
أنساك أنت مستحيل


ولو قررت عني تبتعد
من هالدنية أنا أتمنى الرحيل


دنيتي بدونك ما ألهة طعم
ومن غيرك أعيش آني ذليل


وهسة أحكم
بعد كل هذا السمعته
هم بعد تطلب دليل؟؟؟؟؟؟
*****************************************
أتمنى ان تعجبكم
ولا تنسوا ان تزينوا الصفحة بردودكم
وأطراءاتكم القيمة
تقبلوا تحياتي
أختكم
سراب الماضي
:66 (46)::66 (46)::66 (46)::66 (46)::66 (46):

أسأل أزهار الربيع
أسأل الأشجار وسعفات النخيل


وأنت تعرف شكثر أبعثلك سلام
بكل وسيلة وكل سبيل


وأن چان بعدك ما مطمأن
وبعدك تسأل عالدليل
**************
تراجيدا شعريه جميلة
صاغها نزف يراعك
ابدعت واحسنت الاختيار
وما ينقصها هو بعض الزحاف الواضح في مفرداتها
لك خالص مودتي
ننتظر جديدك يا مبدعة
اخوك الامير

شكرآ اخي الأمير
للمرور والنقد
وشكرآ لأنك دائمآ
تكون أول من
يرد على مواضيعي
ربي يحفظك يا متألق
تقبل تحياتي
أختك
سراب الماضي
:66 (6): :66 (6): :66 (6): :66 (6): :66 (6):

الدموع بهجرك ما تفارگني
دومهة عالوجنة تسيل



كلمات جميله
وبالتوفييييييق عزيزتي
ســـــــــــــــــراب

شكرا يا اخت سفانة الغالية على المرور
:66 (46): :66 (46): :66 (46): :66 (46): :66 (46):

تسلم ايدج سراب كلمات رائعه جدا
احسنتي الاخيار وعاشت ايدج
تقبلي تحياتي
الفهداوي

ما اروعها من كلمات
وما اروعهُ من بوح جياش للمشاعر
يعتريه الاشتياق ويتخلله الالم
سطرتي الكلمات بأسلوبٍ سلس ورائع جدا
ننتظر جديدكم اخت سراب دائما وابدا
لك مني قوافل من الياسمين

شكرآ اخ خالد وحيدر على المرور
مع تقديري واعتزازي بكم
اختكم
سراب الماضي
:66 (46): :66 (46): :66 (46): :66 (46): :66 (46):

عاشت اناملك غاليتي قصيده رائعه
استمري في الكتابه ونحن متابعون دوما
تحياتي

ولو نسيت الدنية كلهة
أنساك أنت مستحيل

ولو قررت عني تبتعد
من هالدنية أنا أتمنى الرحيل

دنيتي بدونك ما ألهة طعم
ومن غيرك أعيش آني ذليل

ما اجمل هذه الكلمات الرائعه وما احلى الحروف التي خطت على الصفحات باناملك الرقيقه البارعه لقد اخترت وعبرت باحساسك المرهف وخلجات نفسك الطيبه وجعلت من السراب ماءً زلال حقا لقد اسعدني القائك وتمتعت بقراءته كثيرا تقبلي تحياتي وتقديري وكل الود ودمت بخالص الامنيات..