ابد ما أذل


تدريني أبد ماأذل بالكلفات
والعاداني لابد مايرد خاسي
ولافد يوم عاتبته اليضدني بغيظ
ولا ليش آنه اﮔله اليجرح احساسي
شما زاد الوكت وياي بالحرمان
ماالومه لون ﭽان الوكت قاسي
ولا أزعل اذا دار الوكت وياي
ويغدر بيه اعز ناسي
ولا صبن دمعتي وافرك الراحات
ولا فد يوم دمعي اختلط وي كاسي
ولا اخاف من اخسرك ، يمكن اندم يوم
ولا يوم بعشرتك صرت وهواسي
تريد اتروح ،الله وياك
فراﮔك مايغير يوم مقياسي
ﭽنت ناسيني وانه وياك أيد بأيد
هسه شلون وانته بعيد ما ناسي
حرامات التعب وياك
يالجاي أعلى ﮔلبي وفازع بفاسي
چذاب اليگلك راح اطخلك راس
بس وكت الصلاة
عالتربه
اطخ راسي

عباس الفرطوسي

عاشت ايدك اخي الفاضل على هذه الكلمات الجميله
وننتضر منك ان تنورنا بمثل هذه المشاعر الجميله
تقبل مروري

كانت القصيدة عبارة عن درس وحكمة


من شاعر لم نعهد منه سوى الجميل



بارك الله بهذا اليراع المميز


تقديري لكم

اخ عباس احييك من كل قلبي
قصيده جميله معبره
دوم الابداع والتميز
يسلم يراعك
تحيات الدراجي

چذاب اليگلك راح اطخلك راس
بس وكت الصلاة
عالتربه
اطخ راسي



صح لسانك وفعلا السجود لغير الله عزوجل مذله

وباارك الله فيك اخي الكريــــــــــــم

الله عليك يارااائع
تحدي رغم الألم
واصرار وكبرياء
قصيدة غاية في الجمال
سلم لنا الإحساس
وسلم لنا المداد الذي ينبض احساسا وروعة

تحياتي لك عزيزي