عراقي أصيل
30-11-2006, 12:32 AM
صباح الخير أذا كان صباحاً
مساء الخير أذا كان مساءاً
القصيدة بيها عتااااب
ترستك ماي أخوة ولا نداوة ألكَيت
طلع جودك شبج وأسراري تطشر
خاويتك عشب وي كل نسيم تميل
جربتك شجر بالريح تتكسر
ومن صارت صدكَ ردتك ولو حاجوز
وغصب عذرك قبلتة تخاف تتعور
بزلاتك أضم ردتك ضميري تصير
وجذبت الصدكَ حتى أنت ما تخسر
وعاونتك علي من شفت عذرك خاب
وقنعت النفس كَتلها يتغير
لا كَصرك طول لا فاض بيك الطيب
لا أسمك علن والراكد أتبخر
لا مدك وصل والعين شافت نور
لا كــــسرك جبر لا لغزك أتفسر
وجبت تعبي درب صغة بعذابة ماي
ولك يا درب الأصوغة وبعد ما تعثر
يا ليل اليضل لو فجر يتعناه
ويا كَلب اليدكَ لو دمة يتخثر
ويا ثلث النهر يقبل سواجي يصير
وقبل كل السواجي للماي تتنطر
كَلت تطرح ثمر غرني الخضار البيك
صفت روحي أعلة فيك تالي تتحسر
كَدامك طحت ما شفت وجهك كَام
هاك أبسط مثال وشوف وأتصور
ولك خشبة بطبر فطرت جف حطاب
من شافت خشب كَدامها أطبر
لكم مودتي
عراقي أصيل
مساء الخير أذا كان مساءاً
القصيدة بيها عتااااب
ترستك ماي أخوة ولا نداوة ألكَيت
طلع جودك شبج وأسراري تطشر
خاويتك عشب وي كل نسيم تميل
جربتك شجر بالريح تتكسر
ومن صارت صدكَ ردتك ولو حاجوز
وغصب عذرك قبلتة تخاف تتعور
بزلاتك أضم ردتك ضميري تصير
وجذبت الصدكَ حتى أنت ما تخسر
وعاونتك علي من شفت عذرك خاب
وقنعت النفس كَتلها يتغير
لا كَصرك طول لا فاض بيك الطيب
لا أسمك علن والراكد أتبخر
لا مدك وصل والعين شافت نور
لا كــــسرك جبر لا لغزك أتفسر
وجبت تعبي درب صغة بعذابة ماي
ولك يا درب الأصوغة وبعد ما تعثر
يا ليل اليضل لو فجر يتعناه
ويا كَلب اليدكَ لو دمة يتخثر
ويا ثلث النهر يقبل سواجي يصير
وقبل كل السواجي للماي تتنطر
كَلت تطرح ثمر غرني الخضار البيك
صفت روحي أعلة فيك تالي تتحسر
كَدامك طحت ما شفت وجهك كَام
هاك أبسط مثال وشوف وأتصور
ولك خشبة بطبر فطرت جف حطاب
من شافت خشب كَدامها أطبر
لكم مودتي
عراقي أصيل