الفراق



تعال من السفر كافي من الفراق ....
ما هزك حنين ولا يوم تشتاق....
قلت يومين لكن صارن سنين....
لا قلبك يسألك صاحبك وين ....
كثر حزني بغيابك .... ليش الفراق ..؟؟؟!!!!
اريد اتباهى بيك ويا المحبين ....
انا روحي غريبه وبين عشاق ...
بكت يمه وقلت باكر تفرحين
واصبرها واقول ... تجيبه الاشواق ...
واشوف بعيني جيات المبعدين
انا لجيتك حبيبي هواي مشتاق
ولك في القلب شايل حب مجانين
اريد اشفق حبيبي بروحك شفاق
واريد انقلب كل لشوفتك عين
ذكرتك والسما مغيمه
وعليك الروح محتاره
وينك ما الك عنوان؟؟!!!
واسمك ضاعت اخباره
دلني واجيك اليوم
ودمع العين يا الجاره
البحر لو يبعدك عني
اسوي القلب عباره
فوق الغيم ...
جو الغيم ...
اطير بغير طياره

بقلم الشاعر الكبير
كريم العراقي

ودي يزف باقات وردي

الله كم هي روعه هذه القصيده عاشت ايدج

شكراً لهذا المرور الذي زاد حد الرووعه أتمنى أن آراه دائماً
لكي ودي وباقات وردي

تسلمين اخت ورده قصيده رائعه كيف ولا وهي من كتابات
الشاعر كريم العراقي
اختيار مميز يسلم يراعك ياورده
تقبلي تحياتي

وينك ما الك عنوان؟؟!!!
واسمك ضاعت اخباره
دلني واجيك اليوم
ودمع العين يا الجاره
البحر لو يبعدك عني
اسوي القلب عباره


متميز الشاعر الكبير كريم العراقي

والــــــــــــف شــــــــــكر لج عزيزتي