قصيدة حياء الدمع((انه جروحي فتاة تضاجع اللوعات))


سهل جدا أجذب كل حجي العذال
لأن طبع الخراب يصير عادتهه

وبعد ماسوي روحي جسر للأنذال
لآن حافر مذله اليوم داستهه

كلامك سوط يضرب ظهري صارسنين
وانه أعرف سياطك شنهو غايتهه

تريد أتشوف دمعي ودمعي بت بيت!!
اسأل وجنتي الما يوم شافتهه

وما ظمن عليك جروح عندي هواي
وأحس باب الفرج بيبان عتبتهه

أنه جروحي فتاة أتضاجع اللوعات
واذا طر الفجر ترجع بكارتهه



تحبل بل قهرماعسرت فد يوم
وتخلف مشاعر حزن ساعتهه

أنه عيني يتيمه وخدي باب أنذال
وبطراف الجفن محبوسه دمعتهه

لأن سري بدمعتي وماأريد اطيح
أذا تنزل تشك ثياب عفتهه


أخبرك دنظر بعينك ولك شوف
ولك دمعه بطرف عيني ولك شوف
بعد لا تضحك كبالي!!! ولك شوف
أحس بضحكتك تعطف عليه
تحــــ لكم ـــــاتي



منقول

أنه جروحي فتاة أتضاجع اللوعات
واذا طر الفجر ترجع بكارتهه
رائعه تلك القصيده يسلم يراعك
اختيار موفق بوركت نتظر جديدك
تحياتي

لأن سري بدمعتي وماأريد اطيح
أذا تنزل تشك ثياب عفتهه

ايها الرائع
شكرا لك ولجميل انتقاءك
قصيدة حملت كل احزان الدنيا
وطرحت عذوبة واحساس فياض
تحياتي لك ------- ياملك الإحساس

الله الله

والله وتسلم الايادي

انتقاء جدا مميز

يسلم الشاعر وتسلم ياملك الاحساس

على الذوق الرفيع

تحياتي

وبعد ماسوي روحي جسر للأنذال
لآن حافر مذله اليوم داستهه

كلامك سوط يضرب ظهري صارسنين
وانه أعرف سياطك شنهو غايتهه
http://www.al-wed.com/pic-vb/236.gif


تقبل مروري

أخبرك دنظر بعينك ولك شوف
ولك دمعه بطرف عيني ولك شوف
بعد لا تضحك كبالي!!! ولك شوف
أحس بضحكتك تعطف عليه
تحــــ لكم ـــــاتي
تسلم رائعة يسلم هالاختيار