المساعد الشخصي الرقمي

مشاهدة النسخة كاملة : ابوذيات جميله جدا


المحظوظ
02-10-2009, 04:08 PM
احلفنك تكَلي الصدك بلة
منو مثلي بجة و الثوب بلة
أفراكك زيدلي الطين بلة
و فوك همومي حط هموم بيه




كضة العام الدراسي و بدت عطلة
و عطل كَلبي علة ولفي شلون عطلة
كتلة ارجوك اذا عندك اخر سؤال عطلة
و من تكضي امتحانك مر عليه




الجسد مو كامل بيه نصبه
و الك تمثال وسط العين نصبه
احبك لو صرت بهواك نصبه
و اموت عليك من تضحك عليه




نص احترك من هجرك و نص طاف
و غركت انه ببحر حبك و نص طاف
يريت المدرسة ترجع و نصطف
ابدلك بالعلم و ناخذ لك تحية




ادك باب الي ضدك و اشتمنه
و اشيل تراب جدمنك و اشتمنه
كول امر خويي و اشتمنه
حاضر لو ردت روحي لك هدية




وين الكه الوفا يا ناس عدمن
عيوني من البواجي عليك عدمن
عيونك جم بشر بسهام عدمن
و لا مرة كلت عنهم خطية




كضة يومي بحزن و فركاك غادي
و عليك الكَـلب مثل الجمر غـادي
باجر لو يصير حساب غـادي
شتكول لربك على السويته بيه




احبك حيل يا صاحب بلاكت
و عليك العين دم تمطر بلاكت
صحيح وحيد امسودن بلاكت
يونس بالحجي هو و جوية




هاك الكلب بيدك حيل طحنة
امس فوك النجوم و اليوم طحنه
شبيدينة و بالعشك يا ناس طحنه
غشيمة كَلوبينه تحب الاذيــة




يا خل ابد لجرحك يوم مانا رامي
و صدك بغير قوس رمشك ما نرامي
و صح مو صياد و ماني رامي
بس عشقك ترى خلق صياد بيـــه




سهمي من ضربته مالحالي
و تدري انه بعشرتك مال حالي
شجا وجهم مورد ماله حالي
تحلة انت وجمالك عم عليــه





الدنية بيش تطلبني و شله
فراكك موت اعصابي و شله
دموع العين كل ساعة و شله
بس فراكك يلم بعد عليـه




احبك و اشتهي رسمك عيناك
جنت وسط العشق غافي و عيناك
عيون الناس تيحرني و عيناك
تراوني القهر و الضيم هيــه




طحت و الكلت مد ايدة جر ايدة
و صرت من النخل جني جريدة
حبيبي اذا يحب يقرة جريدة
الجريدة تكوم تقرالة القضية




احبكم اكثر من الكون و انسة
و عندي الموت اذا يرضيك ونسة
ما فارك ابد ذكراك و انسة
و الك روحي اقدمها هديــة




اريد اكتب رسالة ببحر من دم
و على عمري الكضيته ويام مندم
انه شما ضحيت للطيبين مندم
بس اندم عالصديق الخان بيــه

ارجو ان تنال رضاكم
(منقول)
مريم جبران عودة
02-10-2009, 04:47 PM
وين الكه الوفا يا ناس عدمن
عيوني من البواجي عليك عدمن
عيونك جم بشر بسهام عدمن
و لا مرة كلت عنهم خطية


\
\


ما أروعها من معاني


شكرا لكم اخي الكريم لجميل احساسكم

وعذب انتقائكم


دمتم بخير
المحظوظ
02-10-2009, 05:17 PM
شكرا لك يا ماري
وشكرا على هذه الكلمات الجميلة
ودمتي بالف خير
مع تحياتي لك
عمار الغزي
02-10-2009, 06:51 PM
احبكم اكثر من الكون و انسة
و عندي الموت اذا يرضيك ونسة
ما فارك ابد ذكراك و انسة
و الك روحي اقدمها هديــة
كلك ذوق والله اخي الغالي
يسعدني ويشرفني ان اكون
احد المارين بهذا الابداع
والاحاسيس الجميلة
كلك ذوق والله
تقبل مروري
المتواضع
اخوك الغزي
ام فيصل
03-10-2009, 06:52 AM
وين الكه الوفا يا ناس عدمن
عيوني من البواجي عليك عدمن
عيونك جم بشر بسهام عدمن
و لا مرة كلت عنهم خطية


صح لسانك عزيزي
باقة جدا جميلة من الأبوذيات
لاحرمنا هذا التميز في انتقاء كل ماهو مميز

دمت بخير
مع تحياتي لك
المحظوظ
03-10-2009, 05:41 PM
وين الكه الوفا يا ناس عدمن
عيوني من البواجي عليك عدمن
عيونك جم بشر بسهام عدمن
و لا مرة كلت عنهم خطية


صح لسانك عزيزي
باقة جدا جميلة من الأبوذيات
لاحرمنا هذا التميز في انتقاء كل ماهو مميز

دمت بخير
مع تحياتي لك

شكرا لك يا ام فيصل
والله مشتاق الى هذه الكلمات ومشتاق الكم ولجميع المنتدى
لا حرمنا الله من كلامك واسلوبك الجميل
مع تحياتي
المحظوظ
03-10-2009, 05:54 PM
وين الكه الوفا يا ناس عدمن
عيوني من البواجي عليك عدمن
عيونك جم بشر بسهام عدمن
و لا مرة كلت عنهم خطية


صح لسانك عزيزي
باقة جدا جميلة من الأبوذيات
لاحرمنا هذا التميز في انتقاء كل ماهو مميز

دمت بخير
مع تحياتي لك

شكرا لك يا ام فيصل
والله مشتاق الى هذا الكلام الطيب
ومشتاق الى جميع المنتدى
لا حرمنا الله من هذا الكلام والاسلوب الجميل
مع تحياتي لك
سلام الدراجي
03-10-2009, 06:24 PM
حيالله المحظوظ وميع عله بيك والحمد لله على السلامه
ابوذيات روعه وانت اروع منها حبي تسلملي هالطله الحلوه
مشكور اخي العزيز بوركت
البلداوي العراقي
04-10-2009, 12:37 PM
حياك الله ممنون منك اخويه مشكور ما قصرت
المحظوظ
04-10-2009, 03:36 PM
حياك الله ممنون منك اخويه مشكور ما قصرت


تسلم حبيبي البلداوي
واهلا وسهلا بيك في المنتدى
ارجو ان نرى منك المواضيع الجميله
لا تنسانا نحن بالانتضار
مع تحياتي:66 (46):
الشايب العراقي
04-10-2009, 05:38 PM
هاك الكلب بيدك حيل طحنة
امس فوك النجوم و اليوم طحنه
شبيدينة و بالعشك يا ناس طحنه
غشيمة كَلوبينه تحب الاذيــة
ملكة الاحساس
04-10-2009, 06:21 PM
الجسد مو كامل بيه نصبه
و الك تمثال وسط العين نصبه

احبك لو صرت بهواك نصبه
و اموت عليك من تضحك عليه

******************************
احبكم اكثر من الكون و انسة
و عندي الموت اذا يرضيك ونسة
ما فارك ابد ذكراك و انسة
و الك روحي اقدمها هديــة


^^^^^^^^^^^^^^^^^^^^^
عآشت آيدك آخي آلعزيز على آلآبوذيآت
روووووووع،ـــــــــه
منى العراق
07-10-2009, 08:01 PM
نقل حلو عاشت ايدك كلك ذوق واحساس
تحيتي وودي لك
شاكر الهلالي
10-10-2009, 09:13 AM
شكرا لك ولجميل ما اخترت

تحياتي لك اخي المحظوظ 0