تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه



شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه




أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه





مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه




حبيبي من حلاها مره شفتك
وبعد عطشان يا سمر من رشفتك
لون فد يوم تصدف مره شفتك
جدك ما يخلصك من اديه



عليل شكثر گلبي بس تشافه
على الجسمه يلالي بس تشافه
بحلم غافلت ولفي وبست أشافه
أنتبهت الروحي أمص بچفوف أديه



أصد لبعيد أعاين شفته .. لاله
على الفانوس وجهه وشفته لاله
أهيس وسط شفتي شفته .... لا لا
ورد جوري أضن موشفه هيه



تهشم راس گلبي بيه هشم بيك
أخباري ماتسرك بيها شنبيك
ثغر شفتك حبيبي بيها أشم بيك
ريحة خوخ فاتح للشهيه



أحملت غصبن عليه جور أبيها
ودنيتي شكثر شايف جور بيها
الباري بشفته خلّه جوري بيها
لأن كلما اشمها تفوح هيه



بالحر والصحابه أقسمت مع جون
گلبي ويالهموم العليّ معجون
طماطه شفافچ الحلوات ...معجون؟؟؟!
الزمتهن صارت الحمره بديه



شفافك هذن يمدلل يلا تين
شكر طعّمهن الباري يلاتين
لاعد عرب موجوده يلا تين
گالوا عد حواري العين هيه



بحر نار آنه وانته يم شفاهي
وأنا بدوني حبيبي يمشي فاهي
لون دنيت شفتك يم شفاهي
أموت وعمري صاير ثلثميه



شتظن هم يوم الك روحي تامن لك
جزعت بس روحي ما تگدر تملك
أذا مايوم صح منك تملك
حواسم لااخذ الشفه اليه

شكرا اخي على الموضوع والكلمات الحميله
دائما متالق
تقبل
تحياتي اخوك
-بشار-

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه

الله الله ياعباس
عاشت ايدك على هذه الإبوذيات الرائعة
غزل خرافي وكلمات غاية في الجمال
دام لنا هذا المداد الزاخر بالحب والعطاء
دمت بخير

شكرا اخي على الموضوع والكلمات الحميله
دائما متالق
تقبل
تحياتي اخوك
-بشار-

حبيبي الاخ بشار
سررت بمرورك الكريم هنا .. تحياتي

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه

الله الله ياعباس
عاشت ايدك على هذه الإبوذيات الرائعة
غزل خرافي وكلمات غاية في الجمال
دام لنا هذا المداد الزاخر بالحب والعطاء
دمت بخير

الاخت الفاضله ام فيصل

تشجيعكم لي بردودكم الجميله هذه يجعلني اصارع نفسي في اختلاق المفرده لأيصالها لكم بالشكل الذي ترتضونه ... تحياتي وامنياتي لك بالتوفيق

سلمت أناملك الذهبية على ما سطرته من أبداع هنا
كلمات غاية في الروعة وقمة في الجمال
بأنتظار المزيد من أبداعاتك
تقبل مروري
لك تحياتي وأطيب أمنياتي

سلمت أناملك الذهبية على ما سطرته من أبداع هنا

كلمات غاية في الروعة وقمة في الجمال
بأنتظار المزيد من أبداعاتك
تقبل مروري

لك تحياتي وأطيب أمنياتي


الاخت العزيزه الورده الجوريه

ماذا اتوقع ان يكون ردك وهذا اسمك ... عبير اناملك التي خطت هذه الكلمات لازال في فضاء صفحتي .. لك كل الود

شتظن هم يوم الك روحي تامن لك
جزعت بس روحي ما تگدر تملك
أذا مايوم صح منك تملك
حواسم لااخذ الشفه اليه


لو هاي الحواسم لو متراد هههه
عاشت ايدك وصح السانك اخي العزيز
ابوذيات روعه ننتظر المزيد من ابداعك المميز

تقبل تحياتي وتقديري

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

هالله هالله

بصراحة صور جداً رائعة

إحترت أياً أختار منها


فكلها مميزة

شكرا لكم على النقل الجميل

ننتظر جديدكم

لو هاي الحواسم لو متراد هههه
عاشت ايدك وصح السانك اخي العزيز
ابوذيات روعه ننتظر المزيد من ابداعك المميز

تقبل تحياتي وتقديري

اعتذر عن تأخر ردي اخي العزيز وسررت بكلماتك الجميله .. تقبل تحياتي

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

هالله هالله


مااصغر ردك حجما وما اكبره عندي منزله ... سررت والله عندما رايت حروفك تنير متصفحي لاحرمني الله من اطلالتك.. تحياتي

بصراحة صور جداً رائعة



إحترت أياً أختار منها



فكلها مميزة


شكرا لكم على النقل الجميل



ننتظر جديدكم


بالفعل اسم على مسمى (يمامة الدار) تحلق في سماء صفحتي يالها من روعه .. تحياتي وتقديري لشخصكم الكريم لاحرمني الله من رؤية اسماءكم وردودكم بين اوراقي .. كل الود

غزل جميل شاعرنه المميز يسلم قلمك