لو كلمة شلونك صدّگ ارتاح
وينزال التعب ويروح عني

ولو نظرة محنّة بجفن مرتاح
صدگني أگوم ارگص واغنّي

ولو لهفة بسلامك چان ما ناح
شطر بيت القصيدة وزاد وني

ولو گتلي أحبك يعني يا صاح
ما چان المُصايب لوعنّي

حبيتك انة بعالم الأرواح
وشفتك من زمان بصغر سنّي

ونْطرتك سفينة بغير ملاّح
يا برّ الأمان اللي يضمني

ورْسمتك جمال بعين لمّاح
يا صورة التعادل سحر فنّي

وتمنيتك عروس وليلة افراح
وياهو الياترة الياخذك مني

يا زهرة حياتي وعطر قداح
ويا نسمة عذيبي اللي تضمني

خليني أسولف وابقة مرتاح
يا هم الحملتة وما حملني

عندي لكل گلب مقفول مفتاح
بس مفتاح گلبك راح عني

منقوووووووووول
تحياااااااااااااتي

صح السانك ام علاوي قصيده جمليه
بوركتي على النقل زدزم الابداع يارب
تقبلي تحياتي مع الود والاحترام

شكرا اختي الغاليه ام علاوي على
الكلمات الجميله والرائعه

تقبلي تحيات بشار

نورتوني بمروركم الرائع اخواني
سلام الدراجي مبدع ومميز
بشار متألق ورائع
تحياتي