:66 (9):

بعرش غدر الليالي مربعنه
الف صاحب شرينه مره بعنه
سبب جرحك يكلبي من ربعنه
ابد ما للشماته جروح بيه

ابد ما للشماته جروح تذكار
فقط كلن لربعي وياي تذكار
نويت اتركهم و كصت تذكار
اسافر قررت بأول منيــــــه

اسافر قررت من غير ما عد
و بعد ما بيه اعد جروح ما عد
حجيت و وضحت معناي ما عيد
اخاف احجي و تفز جروح بيه

اخاف احجي و تفز جروح جسره
اجس نبضه برهاوة جرح جسره
جسر سويت للمهدوم جسره
على جتافي و زرع عبوات بيه

على جتافي زرع عبوات ثارن
و صدك لا ما عرفت اختار ثاران
انه لرد من اليخون الزاد ثارين
ثار جتافي و الكنا سويه

ثار جتافي و الكنا يردن
حرب و اليكعد بروحي يرى الدان
اون بصوت و جروحي يردن
لحد ما وكعت عيوني بديه

لحد ما وعت عيوني بجتله
و اديه جم سهم منه بجتله
لون رب العرش يرضه بجتله
اسويه و اكتله بأبوذيه

اسويه و اكتله بالسرانه
دهن ما خلي حالف بالسرانه
بعدهن جاياتك بالسره انه
حكتهن بيت بيت بذن اديه


:66 (9):

ايهاب وما ادراك ما ايهاب شاعر رائع شكرا اخي عمار لنقل زنجيل
جميل له بارك الله بيك

شكرا لك اخي الغالي سلام بالنيابه عن الاخ الشاعر ايهاب المالكي
وشكرا لمرورك الغالي
لك مني كل الحب والاحترام

سلمت اناملك على النقل الرائع

اختيار مميز

شكراً لك من القلب

مودتىى

شكرا لك اخي العزيز على الزنجيل الرائع تسلم الايادي

شكرا لكي اختي الغالية
اسعدني مرورك وشكرا لهذه الكلمات
تقبلي حبي وحترامي
اخوك الغزي

تسلم اناملك اخي غيث شكرا لك ولمرورك
تقبل حبي وحترامي
اخوك الغزي