المساعد الشخصي الرقمي

مشاهدة النسخة كاملة : دمعة نار للعيد ( بقلمي )


علي الغنيمه
19-09-2009, 06:49 AM
باجر عيد ...؟
ملتمه الصحابه وتشتكيلي اتريد
باجر عيد ...؟
نلم حزن الليالي ونشتكي الآهات
كل يوم الاحزان اتجيب ثوب اجديد
وكل عيد اليمر واحنه ابهظم وبنوح
خلانه الوكت للهم مطاريد
باجر عيد ...؟

اتذكر كبل بالعيد مثل الطيف
هسه الطيف ضايع والكسر بالجيد
كبر بينه الجرح والحلم ضيعناه
ولجروح الخواطر مانفع تضميد
وحط بينه الوكت نيشان ماينزاح
دمعة نارتهمل ماتكف وتهيد
باجر عيد ...؟
وزغاريد الطيور ايفرن الدولاب
وعيون الاحبه اتراقب من ابعيد
تتناشد الوادم وبكلبهه الخوف
تتنطر ابشاره وكلهه رفعت ايد
ومهامس حجيهه وناس تردم ناس
وجفوف القهر ماترضه عنه اتحيد
باجر عيد ...؟
اظل ارسم صور للفرح والاحزان
تواسيني الدموع ونار كلبي اتزيد
لعيون الشمس نحلم نصير ارموش
وباب الحلم وكفنه جرح امجيد
باجر عيد ...؟
ياعيد اللفانه ومالكانه ابضيم ؟
حصتنه الهظم غيرهشنريد انصيد؟؟
يدروب الزغار الفرح اذكر بيج
وبيج اذكر الملكه والمواعيد
وديلاب الهوه وذيج المراجيح
وزغارج بلابل حلوة التغريد
باجر عيد ...؟
بعد بيج المحنه وبالفرح تزهين ؟؟؟
وبعدهه اطيور بغصانج طواريد ؟؟
لو طبعج تبدل مثل حال الناس
من ضكهم العوز امسو عرابيد
باجر عيد ...؟
شفت الناس تحجي وراس يخبط راس
كلتلهم عليمن ؟؟؟؟؟
كالولي باجر عيد !!!!!!!
***بقلمي وبدموعي ***
محمد السوداني
19-09-2009, 03:16 PM
اظل ارسم صور للفرح والاحزان
تواسيني الدموع ونار كلبي اتزيد
لعيون الشمس نحلم نصير ارموش
وباب الحلم وكفنه جرح امجيد
باجر عيد ...؟
ياعيد اللفانه ومالكانه ابضيم ؟
حصتنه الهظم غيرهشنريد انصيد؟؟
يدروب الزغار الفرح اذكر بيج
وبيج اذكر الملكه والمواعيد
وديلاب الهوه وذيج المراجيح
وزغارج بلابل حلوة التغريد
باجر عيد ...؟
بعد بيج المحنه وبالفرح تزهين ؟؟؟
وبعدهه اطيور بغصانج طواريد ؟؟
لو طبعج تبدل مثل حال الناس
من ضكهم العوز امسو عرابيد



قصيدة مؤلمه بكلماتها ومعانيها الموجعه صح السانك اخويه العزيز
وعيد سعيد انشاء الله ومبارك عليك وعلى جميع الشرفاء

تقبل تحياتي وتقديري لقلمك الماجد
علي الغنيمه
19-09-2009, 04:07 PM
قصيدة مؤلمه بكلماتها ومعانيها الموجعه صح السانك اخويه العزيز
وعيد سعيد انشاء الله ومبارك عليك وعلى جميع الشرفاء

تقبل تحياتي وتقديري لقلمك الماجد

اخي الغالي محمد السوداني والله مشتاق لردودك القريبه من النفس والألم ياخوي يتوزع ويه الحصه للعراقيين كفاك الله شره وكل عام وانته بالف خير ممنون منك يالغالي
سلام الدراجي
19-09-2009, 05:40 PM
مشكور اخي علي ما سطر يراعك من ابيات رائعه
حاولت ارد ببيت شعر لكن دمعي سبقني ولم اعرف السبب
تحياتي اكتبها لكم من دموع عيني
كل عام وانت بخير
علي الغنيمه
20-09-2009, 07:15 AM
مشكور اخي علي ما سطر يراعك من ابيات رائعه
حاولت ارد ببيت شعر لكن دمعي سبقني ولم اعرف السبب
تحياتي اكتبها لكم من دكوع عيني
كل عام وانت بخير

كل عام وانت بالف خير اخي الغالي شكرا لك احساسك الراقي ودمت اخا غاليا تقبل تحياتي وخير مناي شكرا لك
ام فيصل
20-09-2009, 08:31 AM
تغنيت بحزن كان ولا يزاك ميزتك ياعلي
اذابتني نغمة الإحساس بالألم هذه
وكان هنا لقلمك بوح آخر -- في ليلة عيد
وفي عيون ( علي الغنيمة ) لااود ان ارى ذلك في ليلة لابد ان نجعلها سعيدة رغم آلامنا

كن اكثر تفاؤلا عزيزي
فالحزن يكسره الأيمان والأمل
واعلم بأن الغد افضل من الأمس واليوم
ومن يبقى بجتر آلامه
لن يرى نور الحياة

اتعبتني كلماتك

دمت بخير يبو حسين
:66 (46):وعيد المبارك عليكم :66 (46):
وائل الدعمي
20-09-2009, 09:01 AM
:66 (46):في آخر ايام من رمضان:66 (46):
ختم الله لنا ولكم بالغفران
وعتق ارقابنا من النيران
وكل عام وانتم بخير
:66 (46):بحلول عيد الفطر المبارك :66 (46):
علي الغنيمه
23-09-2009, 12:27 PM
تغنيت بحزن كان ولا يزاك ميزتك ياعلي
اذابتني نغمة الإحساس بالألم هذه
وكان هنا لقلمك بوح آخر -- في ليلة عيد
وفي عيون ( علي الغنيمة ) لااود ان ارى ذلك في ليلة لابد ان نجعلها سعيدة رغم آلامنا

كن اكثر تفاؤلا عزيزي
فالحزن يكسره الأيمان والأمل
واعلم بأن الغد افضل من الأمس واليوم
ومن يبقى بجتر آلامه
لن يرى نور الحياة

اتعبتني كلماتك

دمت بخير يبو حسين
:66 (46):وعيد المبارك عليكم :66 (46):


شكرا للغاليه ام فيصل حماك الله وكل عام وانت بالف خير
علي الغنيمه
23-09-2009, 12:29 PM
:66 (46):في آخر ايام من رمضان:66 (46):
ختم الله لنا ولكم بالغفران
وعتق ارقابنا من النيران
وكل عام وانتم بخير
:66 (46):بحلول عيد الفطر المبارك :66 (46):

ممنون من الغالي بشار الدعيمي وكل عام وانت بالف خير تقبل تحياتي