ياغلطة وكت وملاوة بين اجفوف
ياضحكة شمس بيهه
الدموع اتطوف
ياخلك السوالف بين ذات البين
يافنجان عيلة والدلال اضيوف
ياجف العسر من يطرك البيبان
خطواتة شمع وذراعة
وجة ارفوف
ياحس الرذيلة
وشهكة المطلوب
ياصرخت غريج الماتسمعة اجروف
ياحركت نواظر من يجل الليل
يالرمشك مساحي
وغاربك مشحوف
كلشي البيك ميت ماتحركة الكاع
ودروبك خناجر
والفجر نفنوف
ماتصحة اعلة طولك
يالصلاتك غيم
وراحاتك صحاري
وصوت دك ادفوف
لاتنكل جدم
كل خطوة صحوت موت
وعيون الفيافي الماتشوف
اتشوف
رف جنحك مطر
والليل سن ثعبان
ومنك ماشفت
طول العمر معروف
مابسك تسن بالكاع
جدمك ذاب
وبجلدك نبت يابو العراضة
الصوف
يانبتت صمغ فوك الشمع
وتراب
كظيت العمر بجفوفك
انته ادوف
احلامك كصب
والليل مثل النار
وصوت الريح سير
عالركاب اسيوف
من شفتك شفت
انة العمر كثبان
وبكاية من الفرح
فوك التراب احروف

الله ياكريم ماذا فعلت
رف جنحك مطر
والليل سن ثعبان
ومنك ماشفت
طول العمر معروف
ما هذا التعبير والصور الشعريه عمي والله عاشت ايدك وطاب لي نزف قلمك المتواصل بيننا
قصيده كل حرف منها ينبض معاني بوركت وكل عام وانت بخير

الله الله يابوforaten.net/?foraten.net/?foraten.net/?foraten.net/? ماهذه البداع
منور المنتدى بشعارك الجميله
00000000000000000000000
اهداء لك مني
نخيت الصبر لجلك منتخالي
وكصدتك بير اظنك منتخالي
العذر مرفوض منك منتخالي
الاخو ما عز نفس لجل الخويه

ومنك ماشفت
طول العمر معروف





الله يعينك
وشكراااا لروعه ما سطرته من كلمات

من شفتك شفت
انة العمر كثبان
وبكاية من الفرح
فوك التراب احروف

الله الله كلمات تناجي القلوب المخدوعه
شكرا لما سطرته اناملك الرائعه اخي
دام لنا هذا الابداع ياشاعرنا
تحياتي كريم السلطاني

هنا أقف صامتةً بإجلال

فالكلمة والمعنى

أضف إليها الوزن والمبنى


أعطت لوحةً رائعة


شكرا لليراع النابض

ننتظر جديدكم