المساعد الشخصي الرقمي

مشاهدة النسخة كاملة : جذب نسيانك


ابن الفهود
14-09-2009, 08:34 PM
جذب نسيانك



اسامح مااسامح لو اضن تمـــــــوت


اشلون تريد اسامح وانســـــــــه هجرانـــــــــــك


خارطتك بكلبي سنين صار تعيـــش


اشلون تريد تمسح منـــــــــي عنـــــــوانـــــــــك


جبت افراحي يمك ماجبت احــزان


حتى اكدر ابدل فرحــــي بحــــــــــــزانــــــــــــك


بنارك اشتعل واحترك بيهـــــا النار


حسبتك تجي واطــــــــــفي نيـــــــــرانـــــــــــــك


ماحسبتك انته اصير ضدي بهـــاي


وسده تخلي بيني وبيـــــــــن نهـــــــرانــــــــــك


اجبالي من الشمس صارلك انته فياي


تتحول معاول ليــــــــــــــــش وديـــــانــــــــــــك


فوك اهمومي كلها اصير انته همـوم


وانه حسبت بصفك مــــــــثل جيــــــرانـــــــــــك


جامه شكد ردت احميك بــــــرد الليل


تشامرني حجر بجفــــــــــوف طغيـــــانــــــــــــك


خلانك مشو بلظيم صرت تعـــــــيش


وبوكت الضنك عافـــــــــــوك خــــــلانـــــــــــــك


فلاليحك مشو وانغرس بيدك شـــوك



وتيه كل حلالك جفـــــــــــت رعيــــــانـــــــــــــك


بس انه البقيت وياك حفنه سنـــــــين


مو مثل الشرد بكتـــــــــــار حيطــــــــانـــــــــــــك


مو مثل السيوف الكطعت جفــــــيك


وضل بس الهوى يلاطمهـــــــــن اردانــــــــــــــك


شتناجي بعد يلي انمليـــــــت اذنوب


شيغفرلك ذنب؟؟ذنبـــــــــين؟؟كفـــــرانـــــــــــــــك


هاي اثار عزي بذلتك نيشـــــــــــان


بس شوف بدليلي شـــــــسوه نيشــــــانــــــــــــــك


خله عيوني ذبلت من ارسمك لــــيل


لان بلغيبه كلي عيــــــون سهــــــــــرانـــــــــــــــك


تسهرني بغلاة النوم يلمحبــــــــــوب


وانته تنام عينك يرضــــــــــه وجــــدانـــــــــــــــــك


يلناسي المحبه اشتاكلك كل يـــــــوم


واذا انساك صدك جــــــذب نسيـــــــانـــــــــــــــــــك

(منــــــــــــقول)
سلام الدراجي
14-09-2009, 10:29 PM
الله ياابن الفهود قصيده رائعه شكرا لك اانقل تحياتي
الشاعركريم السلطاني
15-09-2009, 08:58 AM
اللة ياابن الفهود على هذه القصيدة الرائعة تحياتي الى ابناء الفهود فردا فردا وارجو ذكر اسمك لي الشعر كريم حمود الحولاوي
ام فيصل
15-09-2009, 11:56 AM
الله الله الله عزيزي
رائعة هذه القصيدة
عاشت ايدك على حسن الإختيار
ومرحبا بك فراتي جديد بين اخوانك وفي احضان الفرات

ننتظر جديدك
مع تحياتي
ذياب الخزعلي
15-09-2009, 04:46 PM
تحياتي الك يابن الفهود العزيزة
000000000
يفهود اجيت معتني اوروحي تسكن بيج
لو ماسكاج المطر بدموعي انه زكيج
بالماي اصيرج جسر ياحليوه تسحكيني برجليج
000000
مرحبه مرحبه ياخي وعزيزي
ذياب الخزعلي ابن الفهود
وكريم السلطاني بن الفهود
شاكر الهلالي
22-09-2009, 01:26 PM
جميل جدا اخويه العزيز 0
ابن الفهود
09-12-2009, 08:17 AM
منورين حبايب كلبي
دام تواصلكم

بهذا الجمال

كل التقديروالاحترام
لكم مني