قصيده لشاعر المبدع مالك الحزين لشهداء الحويجه,,,
اتركم مع القصيدة...
عنوانها
ميلوا بينه

,,,,,,
ميلوا بينه يلي شلتوا النعش بالله

ميلو بينه
ميلوا بينه انودع أهلنا وعادة اليرحل يودع أهله بدموعه ومن صورهم يملَ عينه
ميلوا بينه الشوك هزنه لحضن امنه ذيج الحبيبه الحنينه
جلمه منه وجلمه منا حيل مشتاكين وشتاكت حجينه
ميلوا بينه لعند امنه وبس نوادعه بجينـه
ميلوا بينه وشدعواكم ولو نظره ولو لمسه
نحني بيه اجفوف ادينه ونتواهب خاف زعلانه علينه
ميلوا بينه وعالمكان البيه ربينه البيت اهلنه انودع ايامَ وسنينه
ميلوا بينه الحي حبيبتنه الحزينه بلجي بوسه ازغيره منه
بلجي لو شفناه مره ارواحنا ترجع علينــه
ميلوا بينه وعلى ابريمه اهناك عدنه اعتاب يمـه
اهناك يا يمه ارتمينه اهناك زله الماحمانا وخان بينه
اهناك صار افراك يمه اهناك ضيعنه خوينـــه
وينه شو ما بيننه وينه شوما مر علينـــه
مودع ودربه السلامه وبالسخافه الذيب يوكع بيد شاة ايظل رهينه
ميلوا بينه وخاف يخلص هالنهار وهذه آخر ليله هينه
اولوله بيه انوب ليله ما حجينه وما بجينه وما ندهناكم يولو ميلوا بينه
ميلوا بينه وعالجسر وكفونه لحظــــه
جنه هينه ازغار نلعب عالجرف يحظن طينه
ميلوا بينه وفررونا ابهلحويجـــه
اوعالمنازل دار دار وكولوا لتراب الحويجه ايون علينه
واحجوا قصتنه لولدكم واحجوا حظكم
اوكولوا للأجيال ما خنه وفينه
اوكولوا للأجيال ما خنه وفينه
ان شاء الله يعجبكم واكيد راح يعجبكم تحياتي لكم

شكرا" لهذا الانتقاء الرائع
اختي الغالية..دمعة فرح وليس الم
بوركت..عزيزتي
اتمنى لك دوام التواصل
تحياتي الك..انا هنا بانتظار جديدك

دمعة ألم..........
رمضان كريم.وياربي تنشف الدموع..قصيدة رائعة للاخ والزميل العزيز ملك...والله وتسم
الايادي................اين الزهيريات


توفيـــــــــــق

فعلا من اروع ما قرات هذه القصيده المميزه والتي ابدع فيها الشاعر
وشكرااا على الاختيار الموووفق

ميلوا بينه انودع أهلنا وعادة اليرحل يودع أهله بدموعه ومن صورهم يملَ عينه
ميلوا بينه الشوك هزنه لحضن امنه ذيج الحبيبه الحنينه
جلمه منه وجلمه منا حيل مشتاكين وشتاكت حجينه
ميلوا بينه لعند امنه وبس نوادعه بجينـه

قصيدة غاية في الروعة
وادمعت لها العيون غاليتي
اختيار موفق
عاشت ايدج
ودام لنا هذا العطاء والتميز بالإختيار

مودتي