ما مرتـــاح

للشاعر الشعبي كاظم إسماعيل الكَاطع

ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه ويه الزمن ورجعنه مكسورين
وبعيده المسافه وينـّـسي اللـّي طاح
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدّد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباك
وِترهـّــم عليه مفتاح
ما مرتــاح
متروك بجزيره وتيــّـــهت بالليل
وإجو ربعي عليّه بقافلة أشباح
وإنته إشبيك
لمّن دافعت عن نفسي صابك غيض
مو حتى الكنافذ من تحس بالخوف
تستخدم جلدها سلاح
ولا جنّ الفجر مثل الفجر محبوب
لون الفجر صاير يقبض الأرواح
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
صارعت المنيّه وبيده هزني الموت
ومدمــّــى إطلعت
صفـّــكو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإيد بيها سلاح
عثرت مهرتي ... وربعي قبل ما طيــح
واحد كـــــال للثاني
أبشـــــرك طـــــاح
أبشــــــــرك طــــــــاح

الله روعه مانقلت اخي بشار
قصيده رائعه بمعانيها لشاعر عملاق
تحياتي

الله الله عليك يابشار
وعلى جمال هذا الإختيار
الف شكر لك لنقل هذه القصيدة الأكثر من رائعة وللشاعر الكبير كاظم اسماعيل الكاطع

دام لنا هذا التميز
ولاحرمنا عطاؤك

مع تحياتي لك

قصيده رائعه مثل كاتبه
تسلم يمينك ع الاختيار الرائع


http://www.nejom.com/up/get-6-2008-nejomup6bnna60w.gif

الله يابشار والله ادمعت لها عيني كيف لا وهي قصيده للشاعر الكبير الكاطع تسلم لهذا الذوق الجميل بوركت اخي ودام لنا عطائك