اليتامه تعيش دوم بدم ابوحسين
وانطيكم دليل الهه وعلامه
على من انطبر مودم عليه سال
علي من انطبر سالت يتامه؟؟


من گد ما خبز شال اعله المتون
بثيابه الخبز طابع يل احباب
علي بنفس الثياب العمر گظا
واذا تسئلوني اگلكم شنهو الاسباب
ميبدل اثيابه الأجل الايتام
لأن ريحة خبزهم وسط الثياب
علي يطيب الجروح بنظرة العين
لچن جرح اليتامه بگلبه ما طاب
وما يحسب احساب اعياله بالجوع
والجوع الأرامل يحسب احساب
واذا رايد السيف يغمض بيوم
شي واضح يغمض وسط الگراب
فقط سيفك يحيدر لو يجي نوم
ميغمض أبد أله اعله الرگاب
وتشهدله المعارك بالبطولات
بدر صفين والخندق والاحزاب
علي من شطر مرحب ما تعب بي
مثل واحد يشگگ صفحة اكتاب
وابن ود من برز ما قاتله بسيف
هز راسه فقط واردا عل اتراب
وعلي عالباب ابد ما مد الچفوف
خزرهه بطرف عينه وطاحت الباب؟؟


وعلي ادگلولي ما مره حنه الراس
واگللكم حنا أني بشراسه
نعم ما يحني راسه اگبال السيوف
لچن يم الأرامل يحني راسه
علي اطباعه عجيبه امصفنه الكون
اوجوب ابكل طبع ندرس دراسه
منو مثله صبح عالناس سلطان
ودنگ عالفقير بچفه باسه
علي ما يوم يتكبر عله الناس
علي ياكل ويشرب ويه ناسه
ثوب الذله ابد ما يرهم اعليه
لأن ثوب الشرف جاي المقاسه
ويل تجهل علي وما تعرفه ادگول
روح اسئل الكعبه البيهه اساسه
علي كله مقدس يشهد الله
علي امن الباري نايل هل قداسه
عي يرگض لجل ما يبقه جوعان
مو يرگض لجل كرسي الرئاسه
علي أول سياسي الشبع الناس
وچذب تلگه بعد مثله السياسه


الشاعر
احسان القريشي



عظم الله اجورنا واجوركم

الله الله تسلمين احلام يارائعه قصيده ولا اروع منها قصيده كلها صور شعريه عاشت ايدك وبارك الله بك
ويسلم الشاعر المبدع احسان القريشي اللهم يشفي الوالده بحق المصطفى وابن عنه عليهم صلوات الله بوركتي اختاه

علي جان الأمير وبيدة كلشي يصير
جانت عندة دولة وما اخذ دينار
السمة والكاع ملكة وملكة كل الكون
بس جاب العمر حيدرنة بالأيجار

عظم الله اجورنا واجوركم بمناسبة استشهاد هارون الدين امير المؤمنين علي ابن ابي طالب عليه السلام

ممنونه لمروركم الكريم والمميز
وربي يحفظكم من كل مكروه
وبارك الله بيكم
وعظم الله اجورنا واجوركم اجمعين
تحياتي