بسم الله الرحمن الرحيم
السلام عليكم


تعال وشوفني انه وروحي اشلون
تغيرت انكلبت وشحت الواني
وشعري جنت بيه افرش دواوين
بعدك يضحك اعله ابياتي ديواني
منهو اني تهت ياناس ياعربان
اترجاكم ان تحجولي منهو اني
حبيبي داري انت وبيتي والعنوان
هسة من هجر ضيعت عنواني
والساني كبل منه تخاف ازلام
سكت بعدك حلف مايحجي الساني
خلقني ربي الك وانت الي مقسموم
قسمتي اشلون ابدلك وانته القسمة
مثل برق انت ولمن تمر عالعين
تركض تضل خلفه ماوكو بي لزمة
لمت ازلام جنه يمنة من مريت
تطشرنة بجمالك مابقت لمة
قيس اشكد كتب وشكد نحت بهموم
بس همي يدوسه ويعلة كل همة
لان لو جنتي يمة وليلة اتفوت
يدير الوجه منهة ان جنتي يمة
عشكتك واعشكك واغرك بطرواك
وانتي الكلبي مهدة وانتي امة
بيج الضوة يسطع يختفي الليل
ما يبقة حزن ماتبقة ظلمة
بيكاسو رسم في عمرة حلوات
لجن لو شاف شكلك حرك رسمة

يلوموني بمحبتك ليش احبك
وانت روحي وحياتي وانت عمري
وانه انسة الدنيا كلهة ان جنت يمك
احبك والله احبك
اعشكك صدك اني بكد اعشكك
عيني اشكثر شافت كوم حلوات
لجن فدوة يطيحن تحت جدمك
هنيال اهلك انت ببيتهم جيت
والف هنيالهة ياحبيبي امك
شالتك بالتسعة جنة
وجابتك بلوة وذنوب اعله البشر
ياهو اليمرك عليه ميشوف جنه
النار اله يوم الحشر
نارك اشكد حلوة نارك
نارك اشلون البرد تصبح عليه
انت مدري شنهي انت
انت للوادم بليه
كبل من تغرب شمسنة اتصير ظلمة
هسة من تطلع ظهر عدنة المسيه
بيك اعيش وبيك اموت
روحي بيدك
وانت لا مابين اديه
انه احبك وانه اعشكك وانه اريدك
يمت ليك اصبح وانت تصبح اليه
من تغمض كال عود انه اجي ليك
وذيج اللحظة انت عاد اتهنة بيه

تعال وشوفني انه وروحي اشلون
تغيرت انكلبت وشحت الواني
وشعري جنت بيه افرش دواوين
بعدك يضحك اعله ابياتي ديواني
.............................................
بوركت اخي الكريم
رائعة من روائعك النادرة
اتمنى لك دوام التواصل..
وتجاوز بعض الهفوات البسيطة..
لك خالص مودتي

احسنت عزيزي
وصح لسانك
احساس وكلمات رائعة
لاحرمنا فيض هذا المداد

دمت بخير
مع خالص امنياتي

بوركت اخي foraten.net/?foraten.net/?foraten.net/?foraten.net/? ابيات جميله دام لنا نبض قلمك الرائع شكرا جزيلا

السلام عليكم
شكرا لكم اعزائي على ردودكم الرائعة
اخي امير الاحزان
اتمنى ان تبين لي موقع هذه الهفوات لكي يتم تصحيحها ان كانت في هذه القصيدة او غيرها

حبيبي foraten.net/?foraten.net/?foraten.net/?foraten.net/? /ارجو ان ما تزعل مني..
انا هكذا طبعي ..في الجد اكون جدي ..وفي غيره لك ان تسلبني ثوبي.
انا هنا لست بصدد ان اشرح لك كل ما يجب ان تفعله او تتجاوزه
نحن اخوان..وكل واحد منا هو بعقل انسان ..فسبحان الذي لا يسهو ولا يغلط..
واولهم انا..ولكن من بعضنا نتعلم..
وهذا ما اردته
وستجد ذلك عندما تقرأ القصيدة اكثر من مرة
ستجد انك انتقلت من بحر الى اخر..
ثم تعود الى البداية..ولا ضير
وهذا ما احدث عندك بعض الاغلاط اللغوية ان لم تكن المفردة قد خانتك..
ولا بأس
فانت كتاباتك تعجبني كثيرا"
واتعلم منها الكثير..
اسف اخي للاطالة..واعتذر اذا اغضتك بشئ..
لاني احبك والله..اكون حريص لكل ما تكتب..
ارجو ان تتحملني اشوية
تحياتي الك اخوية الغالي