طالب وعايف دروسي واقرااشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوةواني عمي شلون واحد
بالفرن ناسيني اهلي وحتى لون عيوني جارد
حاولت الفت نظرهابكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولااگلك بهذلتني الله شاهد
وهي تدري بس خبيثة مثولة والدلال بارد
وانه نار بنصدليلي خاف اصارحها وتعاند
مرة اگول احجي معاها ومرة اگولن خلني راچد
وينچانتلي يربي چنت متونس وگاعد
وقررت لازم ابوح بحبي الها وما احايد
بوري مابوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارةعتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواًمن رخصتچ بلكي عندچ قلم زايد
000

وتحياتي الكم وللبنات
الخزعلي
منقوووول للشاعر (مالك الحزين)

واليك الرابط التالي للاطلاع علية لاهميته:
http://www.alforat.org/showthread.php?t=22548 (http://www.alforat.org/showthread.php?t=22548)

ردت افلت ما عاد ينفع گالت اتفضل شرايد
گلت عفواًمن رخصتچ بلكي عندچ قلم زايد


ههههههههههههههههههههههههههههههههههههههههههههههههه


بعد هذا العذاب كلة وميكدر يحجي


والله ممعقولة اكو هيج خجل بالزمن هذا


كلش حلوة عاشت ايدك


تحياتييييييييييييييييييي

قصيدة رائعة اتمنى لك مزيد من التألق
وانتقاء ما هو جديد ومميز

الاخ ذياب
تحياتي الك اخي الغالي لهذا النتقاء والنقل الرائع
لقد نقلت لنا رائعة من روائع اخونا وشاعرنا المعروف
مالك الحزين..
لهذا اخي الغالي
يرجى للامانة الادبية ان تكتب منقول ..عند انتقاء قصائد هي ليست من نتاجاتك
واليك الرابط التالي للاطلاع علية لاهميته:
http://www.alforat.org/showthread.php?t=22548 (http://www.alforat.org/showthread.php?t=22548)

تحياتي لكم احبتي عللا المرور
وتحياتي لك اخي امير الاحزان نعم
ولاكن لم يحظرني اسم الشاعر القدير
مالك الحزين
بوركت على الطلاع الباهر
واقدم شكري لك
وجدتها في مذكرتي لعجابي بها