عشت ابيت بردي وسكفة من الخوص
بس مرتاح بالي ولا عفت طوري
ماسديت بابي ولا جهبت الغير
ولا خان البخت فد يوم ناطوري
ما اكول اشفت استر عيوب الناس
لافكيت حلكي وبنت جوري
لو صار الصبح اريوكي خبز وجاي
ويضحك للجمر بالموكد القوري
لو جاني الضهر ما اطلب اني اشكال
متعود طبكنة الخبز والزوري
من هذا الوضع شد عودي انة وصار
وتمنيت ذيج سنيني وشهوري
ابن الهور انةالما عرفت الخوف
وبوجه الظلم يتباهة شاجوري
انة ابن الفقير المتعب الفلاح
الهد ضهرة الوكت والمنتضر دوري
عشت وية التعب واللوعة والماساة
بس جان الصبر ياناس دستوري

والله والنعم باابن الهور كلكم مراجل يشهدلكم التاريخ عاشت ايدك اللي خطت هذه الكلمات الرائعه
وعمت عيني على الزوري ههههههههههه
تقبل تحيات
الدراجي

بحسب العبارات والكلمات التي فهمتها

فإن معنى القصيدة رائع


وحتماً لو اني فهمت كل الكلمات العامية باللهجة العراقية

لكنت فهمت المعنى الاجمل والارقى


تحيتي ليراعكم

احسسسسنت اخي وباارك الله فيك
ومعبر جداااا بكلماتك واحساسك

الله الله ياشاعر
قصيده مملوءه بالحس الوطني الذي انتم اهله
بوركت اخي لهذا البوح
مبدع ومتألق في كل كتاباتك
سجلني متابعه ابديه
تحياتي
ام علاوي مرت من هنا واخذني الحماس الوطني
لكن لم تسعفني الكلمات للرد بالمثل
كن بخير عزيزي